PISTACATRO presenta no Auditorio da Casa de Cultura de Cee o seu espectáculo de Circo DESPERTA! A compañía galega de novo circo Pistacatro presentará o vindeiro 22 de novembro ás 18.00 horas o seu espectáculo Desperta!, circo-teatro e música en directo nunha tarde chea de humor e fantasía no Auditorio da Casa de Cultura de Cee. Desperta! É un show no que a compañía afonda na identidade individual, no que nos iguala e no que nos diferencia, no que transcurre na intimidade dun baño cando ninguén mira. Unha historia cotiá do universo fantástico de persoas que poderíamos ser calquera de nós. ¿Onde somos máis idénticos e cando máis distintos? ¿Realmente despertamos ou somos a continuación dos nosos soños? As habilidades circenses, a comicidade e a música en directo van da man en Desperta!, onde a técnica ponse ó servicio das emocións e onde a poética das imaxes farannos viaxar por un mundo imaxinario e moi real. Circo-Teatro e Música en directo da man de catro artistas multidisciplinares formados en diferentes escolas de circo e xa con moitos anos de profesión no mundo da escena. O espectáculo foi dirixido por Natalia Outeiro e Antón Coucheiro e leva música orixinal de Fran Pérez “NARF”. Elenco: Aitor Garuz, Ariñe Azkúe, Manu Lago e Óscar Páez Dirección: Natalia Outeiro “Pajarito” Axudante de Dirección: Antón Coucheiro Música orixinal: Fran Pérez “Narf” Vestiario: Carlos Alonso Escenografia: David del Rey “Fino” Iluminación: Fidel Vázquez Fotografia: Francisco Arnoso “Pixi” Ilustración: Alberto Guitián Espectáculo para tódolos públicos. Prezo das entradas a 3 € para nenos, desempregados e pensionistas e 5 € para público xeral.

Trailer DESPERTA! from Pistacatro on Vimeo.