O vindeiro sábado 21 de novembro, a partir das 19:00h, o Salón de Actos do Concello de Fisterra acolle unha obra especial. Logo do seu éxito en Matalobos e de xirar con Gaivotas Subterráneas, Luis Iglesia B. e Xabier Deive dan renda solta ao seu lado mais salvaxe e divertido e presentan SEDE DE MAL unha comedia a 12 cordas sobre o lado escuro da vida … Sinónimos e sinónimas estes dous anónimos quedaron sen vacacións para ofrecerlle o seu público unha comedia da vida, unhas ensinanzas evanxélicas,un “leit motiv” para non ser un pinpin !!! Ou queredes ser pinpins ??? Humor, teatro, música ao vivo con blues e rock and roll "á galega" cos dous dos personaxes mais importantes da escena galega dos últimos anos. Unha produción co selo de calidade de BONECA LARETA que chega da man de CULTURACTIVA. Dirección: Pseudonimo. Autores: Carlos Santiago, Luis Iglesia B. e Xavier Deive. Elenco: Luis Iglesia B. e Xavier Deive. Produción: Boneca Lareta. Duración: 70 minutos.