Xa está en marcha o progrmas da XII edición das Xornadas de Pesca "Construíndo Mar" organizadas pola Confraría de Pescadores do Pindo que se celebrarán a última fin de semana do mes de xuño. A cita arranca o venres, día 23, ás 17 horas, momento no que se inaugurarán e se presentarán as xornadas. Logo comezarán os coloquios onde se tratarán temas como o pósito do Pindo, o papel da muller na carpitenría de ribeira, a evolución dos traballos de construcción das embarcacións. Para iso, contan con expertos nas materias como Xilberto Caamaño Beiro, Fátima Rodríguez e Tuíño, Joaquín Fabeiro, Manolito do Ceguiño e Javier Carracedo. O primeiro día das xornadas remata cunha degustación de productos mariñeiros. Xa o sábado, as xornadas comezan ás 10 horas coa intervención de Gerardo Triñares que falará sobre o presente e o futuro das embarcacións de madeira. A continuación, Francisco Fra Rico profundizará sobre a fala dos carpinteiros de ribeira e da momenclatura das ferramentas empregadas. Despois dunha pausa para un café, intervirá de novo Francisco Fra Rico para explicar e demostrar en vivo tarefas relacionadas coa construcción de embarcacións tradicionais e os participantes visitarán unha antiga carpintería de ribeira. Na tarde do sábado continúan as xornadas da pesca con Lino Lema que falará sobre os tipos de embarcacións tradicionais. Logo será o turno de Óscar Fuertes Dopico para profundizar sobre a arquitectura das carpinterías de ribeira. Despois dun descanso, intervirán varios expertos para falar sobre a posta en valor e da recuperación do patrimonio marítimo. As xornadas do sábado rematan cunha sardiñada. E xa o domingo, as xornadas continúan ás 10:30 horas da man de Santiago Llovo que falará sobre o patrimonio industrial costeiro como motor da economía do Pindo e a continuación haberá unha visita guiada á lancha xeiteira e á buceta. Abelardo Senande Freire, Lino Lema, Santiago Llovo e Óscar Fuertes sacarán a debate o tema da preservación do patrimonio da carpintería de ribeira como factor de desenvolvemento económico. A directora do ISM de Muros - Benita Valle Mayo - será a encargada de clausuras a duodécima edición das xornadas de Pesca. Actividades paralelas Ademais das citas que se enmcarcan dentro destas xornadas, durante o mes de xuño desenvolveranse distintas actividades dirixidas ao público infantil como rutas guiadas polo proxecto Pindo Mariño, un obradoiro de cesteiro e outras medioambientais con Mar de Fábula e un concurso literario.

Máis información

Máis información e inscricións: 981 764 815, [email protected].

• Facebook “Pindo Marino”.

Novas relacionadas

• 2016: Xornadas de Pesca: O Pindo segue medrando sen deixar de ollar o mar
• Programa Xornadas 2015: 10 anos seguindo a remar dende o Pindo.
• Unha visita escolar ao mar do Pindo.
• 2013: O Pindo botou outra ollada ao seu mar cunhas doces e poéticas Xornadas.
• 2012: O mar fundiuse de recordos nas Xornadas de Pesca do Pindo.
• 2011: O Pindo declaroulle o seu amor ó mar a pesar de todos os problemas no sector.

Fonte

• Redacción de QPC ([email protected]).