Alumn@s do IES Pedra da Aguia miden o latido do corazón da Unión Europea
Estreita a relación entre o Ies Plurilingüe Pedra da Aguia de Camariñas coa política e concretamente coa realidade da Unión Europea. Levan anos achegando a realidade política aos seus alumnos, e este ano non podía faltar esa viaxe ao seu corazón: Bruxelas.
15 alumnos de 3º da ESO, este curso “embaixadores junior do Parlamento Europeo”, fixeron unha viaxe dunha semana de duración para visitar distintas institucións europeas nas cidades de Estrasburgo e Bruxelas. Acompañados dos profesores do Departamento de Xeografía e Historia, Susana Álvarez e Jacobo Santos, tiveron a oportunidade de coñecer en Estrasburgo as sedes do Consello de Europa, o Parlamento Europeo e da Valedora do Pobo.
Xa en Bruxelas, os alumnos foron recibidos na Comisión Europea pola Presidenta da Fundación Galicia-Europa, Ana Ramos, e volveron a visitar as instalacións do Parlamento Europeo, coa asistente persoal do eurodeputado galego Millán Mon, Anabel Andújar, quen os levou por lugares do edificio polos que normalmente non van as visitas.A intensa viaxe continuou coa participación dos alumnos no xogo de rol do Parlamentarium, no que comprobaron in situ como se leva a cabo a aprobación de directivas polos membros do Parlamento Europeo, e coa visita á recién inaugurada Casa da Historia Europea, un lugar para a reflexión e a memoria europea que percorreron durante 3 horas cunha tablet.
A parte lúdica da viaxe estivo no percorrido en barco polas canles de Estrasburgo, a visita ao campo de batalla de Waterloo e, sobre todo, a visita á cidade de Brujas, onde alugaron unas bicicletas para achegarse ás praias do mar do Norte, un total de 50 km que os deixou exhaustos, pero contentos.
Dura volta á realidade
”O regreso á normalidade non vai ser doado”, recoñecen os propios mestres, “porque ao traballo nas aulas van ter que engadir a preparación das actividades do 9 de maio, Día de Europa, no que terán que debatir cos outros compañeiros de Instituto sobre o futuro de Europa”.
Este debate terá lugar no hemiciclo da Deputación de A Coruña e contará coa colaboración e a axuda da organización Europe-Direct, quen xa preparou un protocolo de actuación para ese día.
Novas relacionadas
- O IES Pedra da Aguia recibiu a visita de tres ex parlamentarios.
- Os novos “Parlamentarios” do IES Pedra da Aguia comproban a importancia dos idiomas para moverse por Europa.
- Os novos Parlamentarios do IES Pedra da Aguia debaten sobre educación.
- O IES Pedra da Aguia continúa a súa inmersión europea con visitas ilustres.
- O IES Pedra da Aguia de Camariñas, nomeado para o programa de “Escolas Embaixadoras”.
- Os alumnos do IES Pedra da Aguia levan ao Parlamento Xove a problema do alcol na mocidade
- Da oratoria grega á retórica carballesa.
- O IES Pedra da Aguia recibe a visita de tres exparlamentarios.
- Vinte alumnos do IES Pedra da Aguia participan na “English Week”
- Estudantes do IES Pedra da Aguia participan nun curso de inmersión lingüística nos Peares
- O IES Pedra da Aguia participa no programa nacional de “Rutas científicas, artísticas e literarias”
- Do IES Pedra da Aguia ao Parlamento Europeo
- O alumnado do IES Pedra da Aguia visita o Parlamento Europeo
- A escritora Care Santos coñece o clube da lectura do IES Pedra da Aguia
- O IES Pedra da Aguia recibe a visita da escritora Care Santos
- O IES Pedra da Aguia participa nun torneo servido de polémica
- Estudantes do IES Pedra da Aguia participan nun curso de inmersión lingüística nos Peares
- O IES Pedra da Aguia participa no programa nacional de “Rutas científicas, artísticas e literarias”
- Redacción QPC (info@quepasanacosta.com)
- IES Pedra da Aguia