Un incendio calcina un coche nun garaxe de Carballo

Lorena Martínez
12 de xullo de 2017 (20:10 h.)
Un incendio que se orixinou este mediodía nun garaxe de Carballlo, situado no lugar da Grela na parroquia de San Xoán, deixou importantes danos materais. En concreto, quedou calcinado un coche que estaba no interior do inmoble. Ademais, o fume propagouse por toda a cocheira e afectou a unha casa lindeira. Un particular alertou aos servizos de emerxencias ao redor das 13:40 horas indicando que saía fume polas fiestras das casa do lado. Ata o punto desprazáronse os Bombeiros de Carballo, a Garda Civil, o persoal de 061-Urxencias Sanitarias e Protección Civil. Finalmente, o lume quedou extinguido.
Etiquetas
carballo