Piden a posta en funcionamento da piscina a través da xestión directa municipal
Trala expulsión definitiva de Aquacenit polo Consello Consultivo, o procemento fixado polo Concello obrigaría a esperar uns cantos meses polo novo proceso de licitación. Un proceso que deixará aos traballadores indefensos, que impedirá o acceso a un millar de veciños, e que provocará o maior o maior deterioro das instalacións.
De non ser que o Concello tome en consideración unha moción que vai presentar o BNG no pleno deste venres ás 20:00h. A idea é poñer en funcionamento inmediato a piscina mediante xestión directa polo Concello. E non sería nada estrano, pois xa hai concellos na volta como Carballo, Noia ou Outes que rescataron a xestión.
Unha piscina aberta dende 2006, con case 1000 usuarios de toda a zona, que leva pechada varios meses pola mala xestión dunha empresa privada pero tamén pola mala coordinación do Concello, porque cómpre lembrar que é de titularidade municipal e que se trata dunha concesión.
O BNG recorda que os problemas laborais da empresa concesionaria cos seus traballadores se remontan a 2013, pero que os grupos de goberno que pasaron pola alcaldía non fixeron nada para remedialo.
Xestión directa
Apunta o BNG que hai que ter en conta que “para a posta en marcha da piscina vai ser preciso una inversión económica.Son xa demasiados meses de peche, no que a instalación e os seus elementos se foron, e están, deteriorando. Canto mais tempo pase, mais alta será esa cantidade de diñeiro”.
Sinala que “a opción de xestión pública deixaría os beneficios nas arcas do concello”, e considera que “temos o capital humano suficente para resetear a situación, e comezar xa”.
A Neria
O BNG presentará tamén unha moción para abandonar a Asociación Neria.
Novas relacionadas
- 20-09-16: O Consello Consultivo bota a Aquacenit da piscina de Cee.
- 25-08-16: O BNG de Cee pide celeridade para solucionar o problema da piscina.
- 15-07-16: Os traballadores da piscina alzan a voz contra o alcalde de Cee.
- 01-06-16: A non-piscina de Cee, á escuras.
- 26-05-16: Esixen a intervención urxente do Concello ante a cascada de problemas ca piscina municipal de Cee.
- 15-04-16: Usuarios e traballadores maniféstanse pola piscina municipal de Cee.
- 06-04-16: Os traballadores da Piscina Municipal de Cee, en folga contra a concesionaria.
- Outubro 2015: A CIG emprenderá accións legais contra a concesionaria da piscina de Cee polas acusacións contra un ex traballador.
- 03-03-15: A CIG esixe o inmediato rescate da concesión da piscina de Cee.
- 14-01-15: Denuncian a situación laboral na piscina de Cee.
Fonte
- Redacción de QPC (info@quepasanacosta.com).