As chuvias de xaneiro permiten que todos os sistemas hídricos fiquen en estado de Prealerta

Os ríos están moito máis cheos de auga-Foto-Pablo Fariña Levamos tres meses de auga en Galicia, pero nada fóra do normal, pois son os dous meses, historicamente, máis chuviosos do ano. Polo que o problema da seca que levamos arrastrando durante os dous últimos anos, non dá desaparecido. Os encoros teñen acadado niveis normais e estables para esta época do ano, superando en 13 puntos o nivel que se rexistraba en 2016. Unha situación que permite certas medidas, como que varios sistemas hídricos pasen de Alerta a Prealerta. Así o anunciaba esta fin de semana a Oficina Técnica da Seca da Xunta, que iso si, mantén a Prealerta en todas as concas. Pero albiscan que no mes de febreiro se esperan máis borrascas, polo que en marzo se volverá a analizar a situación. Na Costa da Morte, así quedan en Prealerta todas os sistemas hídricos:

Sistemas que se manteñen en prealerta

• Sistema 9, conca do río Grande e de todos os ríos máis pequenos que desembocan na ría de Camariñas e a costa de Laxe;
• Sistema 10, conca do río Anllóns e dos ríos máis pequenos que desembocan na costa dos concellos de Ponteceso, Malpica e Carballo.

Sistemas que mudan a prelaerta

Os sistemas que estaban en situación de Alerta e que agora pasan a prealerta por seca, son os que se corresponden coa zona central (sistemas do 4 ao 8, ambos incluídos), onde os principais ríos que se atopan son o Tambre, Ulla, Umia, Xallas e Castro e en xeral as concas de todos os ríos que desembocan na costa comprendida desde O Grove ata Cee. Os Encoros

Encoro	Ocupación 4 de decembro	Ocupación 11 de decembro	Ocupación 5 de febreiro
Fervenza	42%	44%	67%
Santa Uxía	30%	56%	60%
Total Galicia – Costa	42%	55%	69%

Novas relacionadas

• 07-02-18: O temporal de frío deixa fermosas estampas brancas e problemas nas estradas da Costa da Morte.
• Xaneiro 18: A primeira alerta vermella de 2018 sáldase sen maiores danos pero con grandes imaxes na Costa da Morte
• 12-12-17: As chuvias do temporal Ana permiten mellorar o nivel do Encoro de Santa Uxía.
• Decembro 17: A borrasca Ana deixou refachos de 155 km/h e ducias de árbores caídas.
• 11-12-17: A borrasca Ana deixou refachos de 155 km/h e ducias de árbores caídas.
• 23-11-17: O temporal deixou pouca chuvia e fortes refachos de vento na Costa da Morte.
• 22-11-17: A comarca conta coas reservas hídricas suficientes que garanten o abastacemento.
• 01-11-17: Mabel Montes: “Despois de 12 meses de seca pertinaz, en novembro volve a auga a Galicia”

Fonte

• Redacción QPC (info@quepasanacosta.com)