Unha acertada política de indemnizacións, único camiño cara a coexistencia entre lobo e gandeiría

Un lobo cazado polo obxectivo de Francisco Santiago Lopez Un completo e interesante informe de ADEGA vén de poñer ás claras a errática política da Xunta de Galicia en relación co lobo. E non só en materia de prevención, ou na xestión dos controis letais, se non tamén falando das axudas que o goberno galego debe aportar ao sector gandeiro polos ataques do cánido. A entidade conservacionista valora a necesidade de indemnizar con rapidez e solvencia a un sector castigado polas perdas de exemplares, e lamenta que nos últimos 10 anos a Xunta apenas teña abordado os pagos por un 67% dos danos rexistrados, quedando desatendida unha cantidade de pagos por valor de 786.288 euros. E sen unha política de indemnizacións a coexistencia entre lobo e gandeiría formúlase imposible. Por iso piden que haia un aumento nos programas de axudas a gandeiros, que se axilicen os trámites e a tramitación de resolución de expedientes, para que os gandeiros non utilicen eses argumentos en contra da conservación do simbólico animal. ”Compartimos as reivindicacións dos afectados que padecen ataques de lobo, son lóxicas e lexitimas, no sentido de sentirse desprotexidos ante unhas perdidas económicas que, aínda sendo globalmente moi reducidas, sobre as economías familiares de quen as sofre son importantes, e a desatención da Administración ante este problema xera unha frustración e desanimo que finalmente, case sempre, acábase cebando co lobo”, explica a entidade ecoloxista.

Incremento de lobos?

O informe sinala que “en Galicia estamos ante unha poboación estancada, que non medra, polo forte persecución e mortalidade que soporta anualmente. O feito de que se rexistren máis danos dende o 2015 responde, máis ben, á mellora e optimización do sistema de recollida de avisos. Ao mesmo tempo entenden que “os controis de poboación de lobo so veñen a demostrar a existencia dun fracaso de xestión por parte da Administración, das que se sabe que non valen absolutamente pra nada a efectos de solucionar problemas de coexistencia, e que sen embargo atentan contra a conservación da especie que, xa de por si, está exposta a unha mortalidade ilegal moi elevada, con 200 a 300 lobos que morren anualmente”.

Sensibilización

Dende ADEGA piden tamén “campañas de divulgación e sensibilización sobre a importancia do lobo no medio natural, algo previsto no Plan de Xestión do Lobo”.

Novas relacionadas

https://quepasanacosta.gal/cara-a-cara-co-lobo/

• Chisco Lema caza o lobo.
• Chisco Lema participa nas Xornadas do Lobo.
• Francisco Santiago López lanza unha serie de vídeos sobre o lobo no seu canle Signatus Films.
• Signatus Films caza o derradeiro lobo ibérico na Costa da Morte.
• Breve etoloxía do lobo ibérico por Francisco Santiago López na Costa da Morte.