Malpica clausura o curso de alfabetización dixital no que participaron vinte persoas

O alcalde e a concelleria de Servizos Sociais entregaronlle os diplomas aos participantes O alcalde de Malpica, Eduardo Parga, e a concelleira de Servizos Sociais e Igualdade, Marisol Blanco Gorín, fixeron onte entrega dos seus diplomas ás persoas que participaron nos cursos de alfabetización dixital impartidos pola técnica de Igualdade, Patricia Vaquero. Un total de vinte persoas tiveron acceso a unha formación que lles achega as novas tecnoloxías como unha ferramenta máis de igualdade. O alcalde destacou que na sociedade actual é case imprescindible o manexo das novas tecnoloxías, e animou a todos os veciños e veciñas a tomar parte neste tipo de iniciativas, que o concello de Malpica, coa colaboración da Deputación Provincial da Coruña, seguirá apoiando e promocionando. Novas relacionadas

• Clausurado o programa de envellecemento activo de Malpica
• Cincuenta persoas participan no programa de envellecemento activo de Malpica
• Malpica pon en marcha o seu programa de envellecemento activo
• Malpica retoma en setembro o programa Concectad@s con dous novos cursos

Fonte

• Redacción QPC (info@quepasanacosta.com)
• Malpica