A asociación galega de Familias Numerosas - AGAFAN - ofrece o vindeiro martes, 4 de xullo, ás 12 horas no edificio de servizos múltiples de Muxía unha charla informativa baixo o título "Familias Numerosas: tipos, recursos e axudas".
Na sesión informarase sobre as axudas e beneficios aos que teñen dereito as familias numerosas así como as novidades como o bono social, auga, IRPF, IBI, complemento por maternidade nas pensións,... A charla, aberta a todo público interesado, impartirana persoal de AGAFAN que ademais ofrecerá asesoramento persoalizado e atenderá as dúbidas e reclamacións así como dará a coñecer o traballo da entidade en defensa das familias numerosas.
