Adro por fin ten nova Directiva con Martina Rodríguez como presidenta
Levaban meses buscando relevo para unha asociación activa dende 1980. E por fin parece que o futuro da Asocicación Cultural Adro de Baio está garantido. A entidade vén de renovar a súa directiva dándolle así continuidade á escola de baile e música tradicional que conta con máis de 100 alumnos e alumnas.
Martina Rodríguez – vogal na anterior directiva - actuará en nome de presidenta da entidade mentras que Francisco José Gavín será o vicepresidente. Noelia Lema asume o cargo de secretaria e Miguel Lema o de tesoureiro. Como vogais figuran Alberto Fuentes, Cruz Carril, Antonio Pose e Noelia de la Fuente.
Clases en marcha
As clases de baile e música tradicional comezaron o pasado sábado. Así, de aquí ao mes de xuño citaranse todos os sábados pola mañá no pavillón de Baio os alumnos e alumnas que asistan as clases de baile, gaita, percusión e pandeireta. Ao igual que os anos anteriores, os encargados de impartir as clases son Álex Ínsua, Marina Torrado, Miguel Abad e David Canto. As inscricións ainda están abertas.
Novas relacionadas
- Agosto 17: Baio busca relevo para manter viva a Asociación Adro, activa dende 1980.
- 2017: Curtas e moito máis nos Premios Fouciño de Baio.
- 2015: A asociación cultural Adro de Baio estrea directiva con Olga Mouro de presidenta
- 2015: A asociación Adro de Baio ao borde de disolverse por falta de relevo na directiva tras 35 anos de traballo cultural.
Fonte
- Redacción de QPC (info@quepasanacosta.com).