Aparecen queimados tres colectores no cruceiro de Lestón
26 de xuño de 2020 (12:26 h.)
Novo acto vandálico na comarca. Esta pasada madrugada a Policía Local da Laracha tivo que acodir ao cruce de Lestón tras seren queimados de tres contedores de residuos sólidos urbanos. Polo momento descoñécese se o lume, que tamén provocou danos no peche dunha vivenda particular, foi ou non intencionado, pero a Policía Local xa abriu unha investigación e solicita a colaboración cidadá para esclarecer os feitos.