O CMAT prepara o Plan de Acción aínda pendente dos Concellos de Cee e Carnota

Redacción
18 de maio de 2017 (10:24 h.)
Cita entre a Xunta e o CMAT en Vimianzo Cita doble a de onte para a Asociación Costa da Morte Acción Turística (CMAT), o interlocutor único do sector costeiro coas administracións. Aproveitando unha asemblea importante, a directora de Turismo de Galicia, Nava Castro, e o delegado territorial da Xunta na Coruña, Ovidio Rodeiro, se achegaron ata Vimianzo, para rubricar o convenio de 60.000€ para promover este xeodestino. Un convenio, asinado xa hai varios meses, que serve para dar o primeiro paso necesario para o turismo da zona, o Plan de acción Turística. Un Plan que serve para sinalar a folla de ruta, marcar os obxectivos e as liñas que debe traballar a entidade emais o sector. Un punto inicial no que se atopa a entidade, que se completa co orzamento deste curso coa paquetización de recursos e produtos, e cos máis que necesarios e produtivos cursos de formación. A partir de 2018 xa tocará pedir unha Xerencia, o verdadeiro paso adiante para facer a entidade proveitosa, que sería sufragada pola Xunta, que ademais debe ser a que marque os pasos a dar, e tamén cos fondos da propia patronal APTCM, dos Concellos e da Deputación. Durante o encontro tamén se anunciou a convocatoria para as obras de sinalización do Camiño Fisterra-Muxía.
Nava Castro, Ovidio Romero, Eduardo Parga, Pablo Canosa e Xosé Xoan Blanco

INTERNET

Quedoulle claro a Nava cales son as verdadeiras necesidades en materia de infraestruturas na zona. Xa non é a primeira vez que o escoita, porque ten zonas que non teñan conexión 3G ou 4G ou pouca cobertura telefónica é unha verdadeira carencia. Algún alcalde tívollo que recordarllo, e Castro saíu co argumento desas Axudas de AMTEGA que ningunha compañía quere facer efectivas por non saírlle rentables. Así non se pode. En todo caso, os costeiros esperan que sexa verdade o que asegurou a directora de Turgalicia: “Baixarei para atender as vosas suxerencias as veces que faga”.

Asemblea extraordinaria

A sesión deu paso á Asemblea da CMAT para a presentación das actividades e a aprobadción das contas de 2016, coa aprobación dun crédito ponte, a nome de Eduardo Parga (xa ex-presidente) e Pablo Canosa (Secretario) para adiantar eses cartos que sempre tardan en chegar das administracións. Houbo renovación da Xunta Directiva quedando o alcalde de Mazaricos, Xosé Xoan Blanco, como Presidente (tomando o relevo do alcalde malpicán). O vicepresidente será o alcalde de Laracha, José Manuel López Varela; o Tesoureiro, o alcalde camariñán Manuel Valeriano Alonso, Pichurri. E por parte da patronal APTCM, Pablo Canosa das Eiras de Lires será o Secretario e Silvia Bouzas, do Praia de Laxe, vogal.

Que concellos quedan sen pagar?

Un dos puntos importantes desta reunión foi a valoración de inicio de expediente do CMAT aos Concellos que non pagan. Se Muxía ultimou o pago das cotas a raíz das últimas aparicións na prensa, Camariñas, Corcubión, Ponteceso e Laxe aseguraron que ían pagar en breves. Quedan tres casos no aire. Coristanco dixo que esperaba que nos vindeiros meses aprobar a adhesión, pero que depende de intervención e da aprobación en pleno. De Cee nada se sabe, porque non aparece nin paga a súa cota. E Carnota xa manifestou que “non quere estar na Costa da Morte”, en palabras do propio alcalde. Deste xeito, o Xeodestino quedará algo coxo e veremos como se paquetizan eses produtos sen poder contar con concellos tan fundamentais para o sector.

Novas relacionadas

Fonte
  • Redacción QPC (info@quepasanacosta.com)
Etiquetas
Cabana Camariñas Carnota Cee Corcubión Dumbría