Camariñas afrontará co POS a senda de Lingunde
02 de febreiro de 2022 (13:30 h.)
O Concello de Camariñas destinará 71.662,79 euros para a construción dunha senda peonil para mellorar a seguridade nun tramo da pista de Lingunde que dá servizo aos veciños e veciñas da zona habitualmente e que no verán é moi utilizada ao estar ao carón da praia.
Ademais, os traballos inclúen a pavimentación do tramo da calzada destinada á circulación de vehículos, a instalación da canalización para a recollida e evacuación das augas pluviais e o pintado de tres pasos de peóns.
Un proxecto financiado a través dunha das partidas do Plan Único POS 2022 da Deputación da Coruña.