A última cea, pero non a última batalla, do cerco en San Caetano
A semana pasada tocoulles voltar a casa aos mariñeiros da Coruña, Bueu e Porto do Son. Agora, despois de máis de mes e medio, este omingo día 24 ás 12.00 os mariñeiros do Cerco procederán a levantar o campamento de San Caetano. As tendas de campaña xa non estarán ás portas da Xunta, pero deixan claro, dende a patronal ACERGA, que “non se dá por terminada a loita”.
Antes de recoller as tendas, realizarán unha acción ben simbólica. O sábado día 23 ás 23.00 horas, serán as mulleres do cerco toman a substitución na última noite no campamento de San Caetano. Símbolo do cerco, representarán alí a última cea.
Recoñecen ter conseguidos “grandes avances pero seguimos con accións para poder chegar ao obxectivo marcado que non é outro que a anulación do actual Plan de Xestión do Cantábrico Noroeste”. Por iso, antes do levantamento, realizarán a lectura de comunicados por parte do Presidente de ACERGA, Juan José Branco Agraso e outro da portavos das Mulleres do Cerco que informarán das accións que se levarán a cabo en próximas semanas para conseguir o obxectivo da anulación do Plan de Xestión actual.
Ata 40 alcaldes apoiarán este acto, entre eles, seguro que o de Camariñas, que mesmo ameazaba con encerrarse se non se chega a unha solución rápida.
Novas relacionadas
- 15-01-15: Os mariñeiros volven a casa pero a loita do cerco non acabou.
- Novembro 2015: Balonmán: 8 de 8 e unha polo cerco:
- Novembro 2015: Camariñas tamén se move polo Cerco.
- Novembro 2015: O tecido político e deportivo de Malpica apoia o cerco galego.
- Setembro 2015: O Cerco tamén quixo reivindicar a súa loita pola cota da Anchoa en Camariñas.
- 2014: O sector pesqueiro da Costa da Morte apoia aos mariñeiros do Cerco.
- O mar costeiro acentúa a súa loita contra o arrastre.
Fonte
- Redacción de QPC (info@quepasanacosta.com).