O PSdG alerta aos concellos da zona tapón da couza ante a resposta “caótica” da Xunta
Xa denunciaban a semana pasada a falta de vontade da Xunta para investigar a causa da chegada da couza guatemalteca da pataca a Muxía, e hoxe o PSdG volve arremeter contra a Xunta pola “resposta caótica e ineficaz” da Consellería fronte a praga.
O portavoz de Gandaría do Grupo Socialista, José Manuel Pérez Seco, advertiu no Pleno do Parlamento, que “malia ás medidas adoptadas polo goberno galego, a praga continúa avanzando polos concellos galegos”.
Pérez Seco lembrou o caso de Cariño que pasou de ser zona “tampón” a estar directamente afectada pola praga, ou o propio caso de Muxía, afastado por máis de 100 quilómetros dos outros 32 concellos afectados e que vén de ser invadido por esta polilla. Unha situación que pon en alerta a eses concellos da zona tapón polos que a Xunta está intentando facer xornadas informativas.
Pérez Seco sinala que a praga non está, nin moito menos, controlada, e alertou da execución “caótica” da Resolución que regulaba os prazos para a declaración de existencias e de superficie sementada en zona infestada, publicada o pasado 6 de abril.
Novas da couza da pataca
- 22-04-18: A Xunta comeza a recoller as patacas de Muxía e a informar na zona tapón.
- 20-04-18: O PSdG lamenta o veto do PP á investigación sobre a causa da chegada a Muxía da couza da pataca.
- 12-04-18: Medio Rural constata que non se localizaron máis puntos infestados pola praga da pataca.
- Novas charlas informativas na zona tapón da couza da pataca
- Cee tamén bota patacas.
- A Xunta, que xa retirou 3.700kg de pataca en Muxía, informa aos alcaldes da zona tapón.
- Vimianzo xa se move ante a ameaza da couza da pataca.
- Marzo 2018: Muxía, primeiro concello da Costa da Morte afectado pola couza guatemalteca da pataca.
Outras novas
Fonte
- Redacción de QPC (info@quepasanacosta.com).