A Mesa Local de Comercio aproba conxuntamente o programa de actividades de CCA e Axober

A  Mesa Local de Comercio vén de celebrar unha xuntanza para aprobar as iniciativas programadas para este ano polo Centro Comercial Aberto (CCA) e a Asociación de Xóvenes Empresarios de Bergantiños (Axober). 

Participaron o concelleiro de Promoción Económica e Turismo, Xosé Regueira, Yolanda Antelo Cameán, en representación do Centro Comercial Aberto (CCA); Kelly Villar Cancela, da Asociación de Xóvenes Empresarios de Bergantiños (Axober); Ramón Varela Rodríguez, concelleiro de Feiras, Mercados, Contratación e Participación Veciñal; Beatriz Neira Varela, en representación do grupo municipal do Partido Popular, e Belén Hevia Ramos, en representación da Xunta de Galicia, que participou por vía telemática. Actuou como secretario Vítor Recarei Añón, funcionario do Concello de Carballo.

Actividades do CCA

• Rebaixas de inverno
• Campaña Namórate do teu comercio 
• Día do pai
• Feira das Oportunidades, que se desenvolverá do 6 ao 8 de marzo. 
• Feira Biosaúde (9 e 10 de maio)
• Día da nai
• Que rule, que rule!!!
• Campaña de verán O prezo xusto
• MercaEdillo, previsto para o 12-13 de setembro
• Campaña de volta ao cole
• Samaín
• Black Friday
• Campaña de Nadal
• Actividades formativas
• Actividade de promoción e dinamización en redes sociais
• Participación en campañas institucionais
• Colaboracións e patrocinios 

Actividades de Axober

• Bergantiños, 0 emisións. Segunda edición do evento, que se ampliará de un a tres días, previsiblemente entre o 5 e o 7 de xuño.
• Berocasión. Feira de vehículo de ocasión, inicialmente programada para a fin de semana do 28 a 30 de agosto.
• Feira de hostalería, en estudo.

Asociación A Praza

Na sesión deuse conta da recente creación da asociación A Praza, que agrupa aos profesionais do mercado municipal, e que ten previsto solicitar a súa inclusión na Mesa Local de Comercio.