Dous irmáns de Quilmas lanzan o Premio máis grande de Galicia

Levaban moitos anos falando de facelo. Lembran tomando un café en Vegadeo cando viron unha cesta das que se sortea por Nadal, e se preguntaron como sería preparar un sorteo pero ao grande. Googleando un pouco descubriron que polo sur da península é máis que habitual pero que no norte non había nada.

Pasou o tempo, unha pandemia polo medio, e este ano decidiron tirarse á piscina. Son Juan José e Luis Fernando Costa Larrauri, dous emprendores natos, naturais de Quilmas, con negocios do sector farmacéutico e de alimentación en Compostela. E precisamente en Área Central é onde están desenvolvendo este singular sorteo El Premio de tu vida da man da súa marca Kilmas JL SL.

”O sorteo máis grande de Galicia” faite soñar pois con 6 euros poderás gañar un premio valorado en 120.000 euros a un único acertante e con impostos pagados.

O afortunado levará dous coches: un Mercedes C200 (57.326 euros) e un Mitsubishi ASX 130T (26.240 €); dñuas viaxes ao Caribe e ao Mediterráneo (valorados en 5.000€ cada un); un lingote de ouro de 25G, unha bici, un iphone, unha play5…

O sorteo realizarase co número gañador da Lotería Nacional o 16 de decembro de 2023. Tes toda a info en elpremiodetuvida.es.