Reanúdanse as visitas organizadas para a búsqueda de Lino Fiúza

Os equipos de emerxencias usaron drons para a búsqueda de Lino Fiúza nos primeiros días da súa desaparición Ante as prediccións meteorolóxicas desta fin de semana, o concello de Carnota fai un chamamento á veciñanza así como a voluntarios de Protección Civil da zona para participar na búsqueda organizada de Lino Fiúza, o veciño desaparecido o pasado 29 de xaneiro. "Faremos unha búsqueda esquemática por zonas concretas nas que a densa vexetación impiden facer un rastrexo máis exhaustivo", asegura Ramón Noceda, alcalde de Carnota. A casa do Concello será o punto de partida das saídas organizadas que se realizarán mañá sábado e o domingo. Os dous días haberá saídas ás 9 da mañá e ás 15:30 horas. "Un membro de Protección Civil de Arteixo, amigo da familia, será o que coordine os grupos xa que ten unha ampla experiencia en labores de rescate e desaparicións". Ramón Noceda pide a colaboración da maior cantidade de xente posible co fin de que se consiga atopar ao veciño de Carnota.   Novas relacionadas

• 11-02-16: Continúa a busca do veciño de Carnota desaparecido o pasado 30 de xaneiro
• 04-02-16: A familia do desaparecido de Carnota denuncia a falta de medios humanos para rastrexar o monte
• 02-02-16: Carnota suspende o Entroido en solidariedade coa familia de Lino do Corbeiro
• 01-02-16: Máis de 80 persoas participan na búsqueda do septuaxenario desparecido en Carnota
• 30-01-16: Continúa a busca de Lino do Corbeiro polos montes de Carnota e Muros

Fonte

• Redacción QPC (info@quepasanacosta.com)