Corcubión énchese con rap, fotos do Prestige e unha charla histórica

Triple cita estes días en Corcubión, coa historia, co rap máis costeiro e con auténticas fotos do Prestige.

Charla histórica

Este sábado 13 de xullo, ás 20:00h horas, a capela do Pilar acolle unha interesante charla sobre a nosa historia como pobo e sobre a orixe de Corcubión, no marco do Mercado Medieval, e impartida nada menos que polo noso colaborador Luís Lamela, que nos avanza o seguinte:

A desaparecida poboación medieval de San Andrés de Canle, en Corcubión, é un claro exemplo, e cedo, do despoboamento da zona rural a través da Historia. Foi unha pequena aldea cunha igrexa construída en cantería e con moradas de madeira ou de fráxil mampostería -cachotería-, cuxos habitantes asentar paulatina e definitivamente no actual territorio de Corcubión, nun despoboamento que perduró varios séculos, empregándose os materiais da súa igrexa para construír, ademais de para rematar unha torre da igrexa de San Marcos, algúns edificios da nova localidade.
Aínda que en 1607 Canle seguía poboada con 6 veciños -uns 20 habitantes, os mesmos que S. Pedro de Redonda-, seguramente queden na actualidade moi poucos vestixios materiais que documenten o seu otrora existencia. Ademais do aproveitamiento dos materiais para a construción, a práctica do secular cultivo agrícola fixo desaparecer restos e testemuños, inclusive as posibles laudas mortuorias do seu cemiterio...

Exposición de fotos do Prestige na Gavilla

O encantador pub "A Gavilla" colle folgos culturais e se refrenda como un espazo cultura de vangarda. Así, dende xa, e durante os meses de xullo, agosto e setembro, lucirá unha colección de 33 fotografias relacionadas coa marea negra do Prestige na Costa da Morte. Unha colección do noso compañeiro Felipe García, ou Trum, como o coñeciamos hai nada, especialmente adicada aos Voluntarios do Prestige.

Algunhas das fotos que, por certo, temos usado en QPC para ilustrar novas relacionadas coa catástrofe, pódense ver tamén Flickr de Felipe García.

Rap na Gavilla

E temos a honra de anunciar que o rapeiro ceense, de Camiños Chans, LeöKCh saca novo disco, "Gritos en silencio", con varios puntos de venta pola zona. Así, haberá máis presentacións, pero a primeira, este venres 13, ás 0:00h na Gavilla de Corcubión.

Novas relacionadas

• Recuperando a orixe do patrimonio dende Corcubión.
• Conta atrás para o Mercado Medieval Costa da Morte de Corcubión.
• A bitácora da semana (CCXXI): O blog de Trum.
• Artigos de Luís Lamela en QPC.
• 3 Locos Costeños a ritmo de rap.
• Un ano de rap con LeöKCh.

Fonte

• Redacción de QPC (info@quepasanacosta.gal).