Dous investigados por ciscar 100 botes de produtos tóxicos no encoro da Fervenza

A Patrulla de Protección da Natureza (Paprona) da Garda Civil de Corcubión, atopaba este pasado 4 de outubro, ciscados no encoro da Fervenza, no termo municipal vimiancés, 100 envases con restos de produtos no seu interior, etiquetados con OTR 411, con pegatinas de “produto tóxico” e “perigoso parao medio acuático”.

A Benemérita decidiu investigar o asunto, ao ser este encoro base do suministro de auga de varias poboacións da comarca, puidendo provocar un granve risco para a saúde pública.

A Paprona constatou que os envases só se comercializan nunha empresa afincada en Arganda del Rey (Madrid), pero a través da trazabilizade descubriron que o propietario desta partida era unha empresa de construción de Santiago.

Deste xeito, a Garda Civil investiga aos dous propietarios como presuntos autores de delito contra o medio ambiente, por depósito ou vertido de residius tóxicos ou perigosos, obrigándoos ademais a retirar os envases e entregalos a un xestor autorizado de recollida desta clase de residuos. Os investigados foron postos a disposición do Xulgado de Corcubión.