Nico de las Heras, un novo récord solidario para o Ultra Trail Camiño dos Faros

Espectacular o que viviu esta fin de semana a familia trasna. Lanzábase a facer o Ultra Trail Camiño dos Faros o subcampión do Campionato Mundial de Ultramaratón, Nico de las Heras. O asturiano lanzou este desafío de 200 kilómetros para levar o movemento "Rober Contra o Cancro" ao Fin do Mundo.

Trátase dun reto solidario lanzado orixinalmente por Roberto González García, un paciente de cancro gástrico que tenta recadar fondos para a investigación do cancro, a través de bolsas de investigación para a Sociedade Española de Oncoloxía Médica (SEOM).

Foron día e medio de emocións, pero é que de las Heras estableceu un novo récord que será moi difícil de superar: 31 horas, 24 minutos e 29 segundos, 4 horas menos que a anterior mellor marca, que tiña Dani Bembibre.

Acompañado de varios amigos da Asociación Camiño dos Faros (bravo polos Juaco, José Manuel, Quito, Felipe e Juan José ) e do seu compañeiro Xon Villamor, conseguía chegar ao Faro Fisterra na mañá dominical , pletórico, e satisfeito dunha nova proeza.

Aquí vos deixamos coas súas impresións á chegada a Fisterra, pero tendes a crónica completa na web do CamiñodosFaros.