O Concello de Coristanco saneou en 2 anos os 3 millóns de euros de débeda municipal do anterior goberno do PP
O solitario grupo de goberno de Coristanco, a través da Concellería de Promoción Económica e Emprego, vén de comunicar o que entende como “nova moi positiva sobre a situación económica do noso Concello”. Segundo os últimos datos do Departamento de Intervención do Concello de Coristanco, sobre o peche do exercicio correspondente ao ano 2016, o Remanente de Tesorería resultante arroxa un saldo de 4.324.780,33 €.
Unhas cifras que permitirán pagar as facturas pendentes e liquidarase, no prazo máis breve posible, unha vez que a débeda pendente cos provedores alcanza os 2.763.822,48 €.
Segundo o grupo de goberno, conseguiron liquidar en dous anos os 3 millóns de euros de débeda municipal acumulada polo goberno de Pensado Plágaro, reducindo á metade o período medio de pago a provedores.
Outro aspecto positivo que sinalan é que “a partir de agora, as axudas económicas doutras administracións ao Concello poderán invertirse en obras en vez de utilizalas para pagar a débeda”. “Esta débeda afogaba as contas do concello e dificultaba o seu funcionamento, paralizando moitas iniciativas”.
Novas relacionadas
- Xullo 2017: O BNG de Coristanco lamenta “un goberno sen proxecto nin iniciativas” tras un pleno de 15 minutos.
- 22-06-17: O suposto suborno do PP a unha edil de TeGa tensa máis a corda da política coristanquesa.
- 22-06-17: Lavandeira califica de traizón a marcha de Verónica Facal de TEGA.
- 21-06-17: Verónica Facal deixa só ao alcalde á fronte de TeGa de Coristanco
- Febreiro 2017: O BNG sae do goberno de Coristanco e deixa só ao alcalde.
- Febreiro 2017: Os veciños volven quedar sen palabra no pleno de Coristanco.
- Novembro 2016: O PSOE de Coristanco apoia unha moción da revisión do IBI presentada polo PP.
- Xuño 2016: O BNG de Coristanco critica a falsa xenerosidade do edil do PSdG
- Xuño 2016: O edil do PSOE de Coristanco renuncia á súa dedicación.
- Abril 2015: Gerpe, o alcaldable máis novo do PSdG en toda a provincia.
- Xuño 2015: PSOE e BNG apoiarán a investidura a Amancio Lavandeira como novo alcalde de Coristanco.
Fonte
- Redacción de QPC (info@quepasanacosta.com).