#AxendaCostadaMorte dunha fin de semana de On-troido
Xa vimos como veñen todos os Programas de Entroido dos Concellos da Costa da Morte. E prendemos o On-troido, e repasamos todas as citas para esta fin de semana do ecuador de febreiro que recollemos na Axenda Costa da Morte, as entroideiras e o resto.
E para que saibamos como vén o tempo, que mellor que o exclusivo parte costeiro dos amigos de 4gotas.com:
O tempo ven revolto para o Entroido. Semella que mellorará a partir do martes. Antes falaremos de días grises e con chuvia e complicados de predecir o momento exacto de chuvia. Visitade o prognóstico da vosa localidade antes de facer algunha actividade ao aire libre porque pode haber cambios neste prognóstico.
O venres xa choverá desde primeira hora con vento forte do suroeste. Desaparecerá a chuvia a media tarde e volverá no mediodía do sábado (entre medias teremos algún chaparrón moi puntual). Choverá toda a tarde do sábado. Na madrugada os chuvascos serán intermitentes e febles e non contamos con chuvia no domingo. Volverían o luns ao mediodía, cesando o martes e mércores.
Non irá o frío destes días pasados e ollo que no mar a situación estará complicada todo o Entroido.
Máis que Entroido
Se abaixo recuperamos todas as sesións entroideiras, aquí recuperamos as que se escapan. Como o Festa da Xuventude de Mazaricos ou a festa de disfaces da Ventana de Laxe para a noite do venres.
Para o sábado, a única cita que escapa da troula carnavaleira é o Concerto dos Fillos do Estramonio en Cee.
Sábado e domingo de Entroido
Serán moitas as citas do sábado de entroido, onde o gran Entroido de Fisterra terá a súa previa co desfile de comparsas. Pero comezamos o repaso polo Entroido de Corme, con sesión vermú e festa rachada.
A nós tócanos ir de xurado ao Entroido de Vimianzo, que cada ano medra.
Tamén será o día grande no Entroido de Muxía co Concurso de comparsas e disfraces e a paralela Ruta dos Pinchos.
Atentos estaremos ao Entroido carnotán, con grandes citas en Lariño, Lira e a cita sesentera do Pindo emais o entroido entroido de Corcubión.
Por Zas tamén será o baile e concurso
Xa o domingo de Entroido terá grandes citas, ao tempo que continúa a ruta dos pinchos muxiá. Será o día grande do Entroido de Carballo, do Entroido de Santa Comba, do Entroido de Ponteceso e do gran Entroido de Dumbría coas Cantareiras de Ardebullo de directores de orquestra.
Ademais, teremos o ollo posto no fantástico Enterro da Caietano do Entroido de Laxe e ao Concurso de comparsas de Muros.
Novas relacionadas
Máis información
Tendes toda as citas debulladas en:
Fonte
- Redacción de QPC (info@quepasanacosta.gal).