"Guía de cogomelos dunares do litoral atlántico galego", o novo libro de José Manuel Castro Marcote

Cando dicimos que na Costa da Morte vive un dos meirandes especialistas en micoloxía de toda a península, non o dicimos porque si. Nin sequera porque sexa colaborador desta casa. I é que cando o dicimos é porque José Manuel Castro Marcote o é. A semana pasada, para comezar a temporada, retomabamos a sección Nocións micolóxicas. E o facíamos repasando unhas das máis coñecidas: as Macrolepiotas. As súas publicacións son demandadas de moitas partes do país, polo que podemos sentirnos ben afortunados en QPC e máis no Boletín da Asociación Micolóxico Naturista Pan de Raposo, da que o propio Marcote é socio-fundador. De feito, xa podemos disfrutar da 3ª edición do seu recoñecido libro "Cogomelos de Galicia", editado pola Xunta de Galicia. Pero esta semana coñeciamos unha nova moi positiva. O propio Marcote vén de publicar un novo libro: "Guía de cogomelos dunares do litoral atlántico galego", que chega da man da editorial valenciana Ellago Ediciones. Foron 10 de anos de traballos de estudio e catalogación de especies. A obra consta dunha introdución, coa descrición dun sistema dunar completo, os distintos hábitats, as plantas máis importantes e as estratexias de adaptación. A continuación encóntrase a parte descritiva, con 80 fichas con macro e microfotografías a toda cor e observacións de todas as especies.

Nocións micolóxicas con José Manuel Castro Marcote

• Macrolepiotas.
• Fungos insecticidas.
• Fungos e cogumelos.
• Intoxicación con cogomelos.

Máis información

• Asociación Micolóxico Naturista Pan de Raposo.

Novas relacionadas

• Pan de Raposo cóntanos a historia do cangrexo vermello na Costa da Morte.
• Xa está a venda a terceira edición de "Cogomelos de Galicia".
• A Costa da Morte volve ir na Procura do Cogumelo.
• IX Xornadas Micolóxicas da Costa da Morte: Marcote: "Este ano foi a mellor exposición das nove que levamos feitas".
• Boletín Pan de Raposo: O lobo come boletus.
• VIII Micolóxicas da Costa da Morte: Máis de 200 especies de cogumelos tomaron a Escola de Música de Cee.

Fonte

• Redacción de QPC ( info@quepasanacosta.galEste enderezo de correo-e está protexido contra spam bots, necesitas ter o Javascript activado para podelo ver ).