O teatro regresa á #AxendaCostadaMorte

Despois de varias fins de semana de ausencia das artes escénicas, as citas co teatro volven á #AxendaCostadaMorte da man dos concellos de Carballo, Vimianzo e Mazaricos. A calidade e a aposta polo teatro feito en galego son o denominador común o cal se traduce unha boa resposta por parte do público. Poolo de pronto, xa vedes como está vindo o temporal. Os amigos de 4gotas, comentan que esta tarde de venres volverá a arreciar forte o vento. Algo menos que na madrugada, pero volverán a acadarse refachos de máis de 100km/h en toda a Costa e moitos puntos superarán os 120. Ademais choverá de xeito intenso. Mañá sábado cálmase un pouco a situación en canto ao vento, aínda haberá vento forte (pero non tan forte), pero seguirá a chover durante boa parte do día. O domingo aínda o seguirá facendo na madrugada e na mañá, parando ao mediodía e deixando unha tarde de domingo tranquila!!   Teatro

• Hoxe arranca programación que encherá de teatro, música e exposicións o Pazo da Cultura de Carballo durante os próximos meses. Baixo o programa dos "Venres culturais" posto en marcha polo concello de Carballo hoxe, a compañía Ibuprofeno Teatro representará a obra "Raclette". Será ás 21 horas e o custe da entrada ordinaria é 4€.
• A casa da Cultura de Vimianzo estrea mañá a programación de inverno coa obra "Os amores de Jacques o Fatalista" de Produccións Teatrais. A cita é as 21:30 horas e a entrada costa 5€ (2,5€ para estudantes e maiores de 65 anos).
• A compañía Os Quinquilláns Teatro leva este domingo a representación da obra "Cousas", de Castelao, á casa da Cultura da Picota (Mazaricos). A función comeza ás 17 horas e todos os asistentes recibirán un libro de agasallo.

Festas

• Na parroquia vimiancesa de Baíñas honran hoxe a san Blas. Ademais, dos actos litúrxicos haberá verbena.

Exposicións 

• O pazo da Cultura de Carballo acolle ata o vindeiro domingo 19 de febreiro a exposición “Un mar de sensacións”. Chiña e Mon Lendoiro recompilaron os poemas publicados polo Semescom no ano 2012 para darlles forma plástica. Hoxe, ás 20:30 horas terá lugar o acto de inauguración. A mostra pode verse todos os días en horario de 17 a 21 horas.
• A casa de Man de Camelle acolle unha exposición de pintura naval. Baixo o título “Costa da Morte. Naufragios” Rosa Pereda e Rafael Lema recuperan as historias dos naufraxios máis importantes acontecidos nas augas da bisbarra. A inauguración terá lugar mañá sábado ás 12 horas.
• Castelo de Vimianzo. A fortaleza así como a súa mostra de artesanía ao vivo pódese visitar todos os días da semana en horario de 10:30 a 14 horas e de 16 a 19 horas.
• As Torres do Allo, en Zas, abren todos os sábados e domingos de 11 a 19 horas. Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
• O faro Vilán acolle ata o 26 de febreiro a exposición “Casa de Luz, grabados” de Mariano Castillo. Pode visitarse en horaio de 11 a 14 e de 16 a 18:3o horas.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.

Outras citas

• Laxe vivirá un mes de febreiro moi gastronómico grazas ao proxecto de desestacionalización turística posto en marcha polo concello. Mañá, ás 19 horas, terá lugar unha charla-coloquio con Benigno Campos - presentador do programa Larpeiros da TVG -.
• A fundación Eduardo Pondal de Ponteceso acolle a presentación do libro “Costa da Morte, crónica marítima” de Rafael Lema. O acto, que comeza ás 17 horas, está organizado polo GALP Grupo de Acción Local do sector pesqueiro e a fundación pontecesá.
• O Celme Café de Vimianzo acolle mañá sábado un concerto. A banda The Homelees será a encargada de repasar míticos temas do rock dos anos 70 e 80. A cita comeza á media noite.
• O monologuista Enrique Loyola esta este domingo, a partir das 20:30 horas, no Palacín de Cee. A entrada é de balde.

Fonte

• Redacción QPC (info@quepasanacosta.com)