Todo pode pasar no Entroido de Carballo
Impresionante o Domingo de Entroido carballés onde todo é posible. Enchéronse as rúas de festa, risas e bo ambiente para celebrar un dos entroidos máis numerosos da volta. E víuse de todo, dende un exército alieníxena invandido as rúas, ata unha Virxe da Barca en minisaia ou unha ovella (de verdade) deambulando polo centro da vila.
Víronse tamén aos Simpson, a Asterix e Obelix, mesmo aos Tonechos, nun compendio de imaxinación e orixinalidade.
O tempo deu unha tregua e os Concursos de comparsas, disfraces e carrozas repartiron máis de 6000€ en premios, dos que levou unha parte a carroza Las Vegas, chegada de Cambre e que gañou o certame.
O concurso de comparsas recaeu no grupo carballés de I Love Ney York, cunha estampa tipicamente norteamericana.
Fonte e Máis información
- Fotos do Entroido carballés en Turismo Carballo.
- Turismo Carballo: Lista de premiados.
Novas relacionadas
Fonte
- Redacción de QPC (info@quepasanacosta.gal).