A Costa da Morte recibe máis de 150.000 euros para a mellora das infraestructuras deportivas

O Pavillón de Cee será renovado Dezasete concellos da Costa da Morte recibirán este 2016 máis de 150.000 euros procedentes da Deputación da Coruña destinados a mellorar as infraestructuras deportivas. En total, o ente provincial destina 651. 857 euros repartidos entre 85 concellos e entidades locais da provincia. As achegas, que se publican hoxe no Boletín Oficial da Provincia, oscilan entre os preto de 20.000 euros que percibirá o concello da Coruña e que se destinarán a reparación das pistas deportivas de Valaire - A Zapateira -e os 3.397 € que recibirá o municipio de Mañón para equipamento deportivo. A través desta liña de subvencións, a institución provincial financia diversas obras de construción de novas infraestruturas, mellora das existentes e dotación de equipamentos deportivos nos concellos coruñeses como a instalación de novos parques biosaludables en Bergondo, Malpica e Curtis, a mellora do alumeado nos campos de fútbol de Vista Alegre - Boiro -, a reparación da cuberta do polideportivo municipal de Galán - Arteixo -, a instalación de megafonía no pavillón Sofía Toro  - Cambre -, a impermeabilización do náutico de Bastiaguiero - Oleiros -ou a construción dunha nova pista de skate en Outes. Esta liña de subencións para mellora de infraestruturas deportivas súmase ás aprobadas pola Deputación nas últimas semanas para o financiamento de actividades deportivas e a contratación de técnicos deportivos nos concellos da provincia  e supoñen un investimento conxunto de máis de 2,1 millóns de euros. Axudas por concellos

• Cabana de Bergantiños: 5.988,51€ para o acondicionamento e reforma do pavillón polideportivo
• Camariñas: 5.483,12€ para a adquisición de material e mellora de instalacións deportivas municipais
• Carballo: 13.947,50€ para as melloras, renovación e adquisición de equipamento e mobiliario deportivo nas instalacións deportivas
• Carnota: 11.160,00€ destinados a investimentos deportivos durante o 201
• Cee: 4.976,77€ para a pavimentación de pistas na contorna do campo de fútbol municipal
• Corcubión: 4.400,00€ destinados ao equipamento do pavillón municipal
• Coristanco: 6.000€ para o acondicionamento do xinmasio municipal
• Dumbría: 11.993,52€ para o acondicionamento dos accesos ás instalacións deportivas no Conco
• Fisterra: 10.000,00€ destinados a investimentos deportivos
• Laxe: 9.987,60€ para a mellora e equipamento das actividades para o verán 2016
• Malpica de Bergantiños: 5.996,28€ para a adquisición de parques biosaudables
• Mazaricos: 12.986,89€ para o o suministro de dous marcadores electrónicos, dúas mesas de pin-pon e material para a creación dun circuito de obstáculos
• Muros: 5.983,09€ destinados ao plan anual de mantemento e investimentos en instalacións deportivas municipais
• Muxía: 12.000,00€  dirixidos a infraestructuras e equipamentos
• Ponteceso: 9.988,30€ para a mellora nas instalacións deportivas e adquisición de equipamento deportivo
• Santa Comba: 11.995,15€ destinados ao equipamento do pavillón polideportivo municipal de deportes
• Zas: 8.983,41€ para a reparación das fachadas e carpintería interior do polideportivo de Zas

  Novas relacionadas

• A Costa da Morte recibe máis de 160.000 para as actividades deportivas
• Todos os Concellos da bisbarra agás Coristanco reciben axudas da Deputación para os técnicos deportivos

Fonte

• Redacción QPC (info@quepasanacosta.com)
• Deputación