Club Cee Deportes de Contacto participa na Liga Galega de Taekwondo
Gran actividade estes primeiros meses do ano para un Club Cee Deportes de Contacto cunha enorme oferta deportiva. Actualmente, no mundo do Taekwon-Do ITF está tendo lugar a Liga de Galicia. O Club Cee xa participou no primeiro encontro da mesma o sábado 18 de febreiro en Sigueiro (Oroso).
A afluencia de practicantes e público foi óptima, e "o desenvolvemento das competicións sucedeu con total normalidade e deportividade entre os integrantes dos distintos clubes nas modalidades de "combate" e "tull", dando mostra dos principios integradores da nosa disciplina como son o autocontrol, a integridade, a perseverancia, a cortesía e o espírito indomable", como nos conta un dos responsables, Eloy Cambeiro.
Por parte do Club Cee Deportes de Contacto, todos e todas as participantes deron cumprida mostra de traballo e esforzo. Amosaron as aptitudes e coñecementos da nosa disciplina, deixando moi alto o pavillón do clube, do deporte na costa, do Taekwon-Do e dos principios que deben rodear ao deporte en xeral.
Os e as practicantes do Club Cee Deportes de Contacto acudiron cunha gran enteireza afrontando os rigores da competición de xeito exemplar, acompañados polos axudantes de instrutor Bo Sabum Antía Rio Salgado e Bo Sabum Ismael Gándara Landeira.
Novas relacionadas
- O Club Cee Deportes de Contacto comeza nova tempada cunha ampla oferta deportiva.
- O xalleiro Fernando Baña, na elite do taekwondo galego.
- O carnotán Anxo Fernandez, recoñecido como Deportista Galego de Alto Nivel.
Fonte
- Redacción de QPC (info@quepasanacosta.com).