Sporting Zas e San Lorenzo sacaron adiante duros partidos a domicilio, mentres que o Fisterra e o Ponteceso sufriron máis da conta ante rivais da zona baixa; o negativo da xornada, o final en Muros
O Camariñas viviu unha xornada perfecta - Foto: Camariñas
Unión Club Cee 0-2 Sporting Zas
Bazarra, a estación de servizo máis eficiente, patrocina a Liga da Costa. Coñécenos en www.bazarra.com
Campo: San Paio de Refoxos
Unión Club Cee: Ángel Luis, Nico, Jorge, Jacobo, Aitor, Pereira, David (Jorge m.66), Josiño, Leo, Penedo (Isma m.73) e Dani Picallo (Isma Leis m.77)
Sporting Zas: Bugy, Rubén Forján, Josito, Manu, Diego Fernández (Dieguiño m.67), Sande, Cilindro (Adri m.64), Isma, Rubio (Carlos m.83), Chapela (Martín m.46) e David Blanco
Árbitro: García Novo (A Coruña). Amonestou a Jorgito do Cee; Marcos do Sporting Zas
Goles: 0-1 m.67 Sande; 0-2 m.79 Rubio
Sudar para liderar
Unha saída nunca sinxela como a de San Paio de Refoxos quedou superada xa por un Sporting Zas que atopou no Cee a un rival serio, ben prantado e con argumentos para discutirlle o partido. Poucas cousas pasaron nun primer acto que se saldou cunha ocasión por banda. Xa na reanudación, unha deixada de Manu para Sande acabou cunha boa resolución do zascense ante Ángel Luis. O tanto variou a película, e provocou un paso ó fronte do Unión, que acabaría por ser letal. Rubio fixo o 0-2, ante unha defensa moi adiantada.
Carnota 3-4 Mazaricos
Campo: Lombáns
Carnota: Peipo, Tono da Caixa, Adrián (Nakata m.73), Manolo Chouza, Pedro de Pichín, Pumuky, Raúl, Oreiro (Bernardo m.75), Adri (Miguel m.60), Jose (Samuel m.60) e Manuel Luis
Un intercambio de pesos desiguais
Parecía ser o Carnota-Mazaricos un encontro sen apenas diferencias na táboa, aínda que o desenlace no constante intercambio de golpes si fala da maior fiabilidade visitante. Con moitos coñecidos nun e outro bando, catro goles en media hora e fraxilidades defensivas, o choque foi un espectáculo. Manuel Luis, tras unha prolongación de cabeza, abriu un marcador que o muradán Brais, con dous lanzamentos lonxanos, se encargou de voltear. Manuel Luis equilibrou de novo tras un córner. Máis do mesmo nun segundo acto no que Estéfano fixo o 2-3 tras pase de Brais e Manolo Chouza aproveitou unha falta para facer o 3-3. Volcouse un Carnota ao que o empate lle seguía a ser insuficiente, e foi nunha contra a súa condea, con execución dun moi listo Chenel.
Cabana 1-2 Ponteceso
Campo: As Redondas
Cabana: Víctor, Grille (Rubén m.43), David Varela (Christian m.80), Isma, Jose, Maikel, Álex, Fernando, Adrián, José Manuel e Santi (Reigía m.46)
Ponteceso: Brais, Collazo, Charly, Laik (Regueiro m.26), Juanma, Alberto Recarey, Baba, Nando, Puente, Mendieta (Iago m.15) e DIeguito
Árbitro: Ramos López (A Coruña). Amonestou a Grille, Isma, Reigía e David Varela do Cabana; Dieguito, Juanma, Brais, Marcos e Pablo do Ponteceso
Un veciño con pel de cordeiro
Colista e aspirante a ascenso desputaron un derbi que no marcador resultou finalmente máis axustado que na táboa. Aínda que o Ponteceso foi absoluto dominador, a incertidume do resultado non deixou tranquila á expedición ata o pitido final. Dieguito, no segundo pau tras xogada de Nando, igualou un marcador que Juanma ampliou nun centro chut. Un erro de Collazo ao despexar un balón deixou a Adrián ante Brais, e o cabanés non perdonou. Debutou nos pontecesáns Iago de Baíñas, ex do Dumbría, que ingresou no campo tras un forte golpe de Mendieta. O centrocampista foi hospitalizado e recibiu doce puntos de sutura pola gran brecha na cabeza.
Cerqueda 0-1 Coristanco
Campo: Xaviña (Buño)
Cerqueda: Diego Dourado, Sergio (Uru m.77), Jon (Juanjo m.55), Dani, Pazos, Fernandito, Lorenzo, Darío, Brais (Jonás m.60), Gemelo e Eloy
Coristanco: Pose, Jorge (Álvaro m.81), Mato, Adrián, Añón (Damián m.71), Gonzalo, Iván Pena, Pablo, Cristian (Gabriel m.63), Samuel e Iván
Árbitro: Carro Moreira (A Coruña). Expulsou a Pazos (m.65) do Cerqueda. Amonestou a Jon do Cerqueda; Gonzalo, Añón e Iván Pena do Coristanco
Gol: 0-1 m.46 Cristian
Fundamental para o Coristanco
Unha mala cesión a Diego Dourado, aos poucos segundos da reanudación, deixou a Cristian nun man a man ante o meta. E non marrou o punta dun Coristanco que colleu aire e tres puntos fundamentais na loita pola permanencia. Foi superior o Cerqueda no primeiro acto, con catro chegadas francas ao área e pouca puntería, pero desde o gol a historia foi outra. Ata tres veces se estrelou nos paus un Coristanco superior e que pudo resolver moito antes. Sen embargo, a piques estivo de igualar o local Fernandito na recta final.
Castriz 1-2 San Lorenzo
Campo: San Pedro
Castriz: Añón, Dani Martínez, Alberto (Alejandro m.65), Diego Maneiro, Martín, Fabián, Jose, David Agra, Bolón, Álex Flores e Darío Capelo
San Lorenzo: Javi Souto, Isaac, Adrián, Rubén, Rudi, Álex Figueiras, Parafita, Mario, Fuentefría (Anxo m.82), Juni (Juanjo m.85) e Luis (Kevin m.68)
Árbitro: Larrosa Pérez (A Coruña). Amonestou a Martín e Alberto do Castriz; Rubén, Rudi e Álex Figueiras do San Lorenzo
Unha papeleta resolta
Sacou adiante o San Lorenzo unha das saídas máis difíciles que lle quedaban ata final de curso. Moi cedo se puxeron en vantaxe os carballeses, grazas a un disparo inapelable dun novamente decisivo Fuentefría, tras deixada de Juni. Medrou pouco a pouco o Castriz, que igualou aos poucos minutos, tras unha recuperación de Darío Capelo. Ata o intermedio os xalleiros puxeron contra as cordas a un rival que desapareceu. Pareceu resultar efectivo o paso polo vestiario para un San Lorenzo que volveu facerse co balón e a marcar o tempo do partido. Faltaban menos de vinte minutos cando Mario, tras pase de Juni, fixo o 1-2 decisivo.
Baíñas 5-0 Buño
Campo: Municipal de Vimianzo
Baíñas: Sergio (Joselu m.85), Tantán, Carliños (Samuel m.76), Pablo Rey (Dani Casal m.59), Matías, Cristian, Tasky (Jorge Calvete m.60), Javi Suárez, Canay (Héctor m.74), Alemán e Esteban
Buño: Toni, Alexander, Fran Borrazás, David, Dimitri, Emilio, Juan Antelo, Dani Calvete (Cristian m.85), Gurita, Víctor e Richard
Árbitro: Baña Tajes (A Coruña). Amonestou a Pablo Rey, Tantán e Esteban do Baíñas; Fran Borrazás do Buño
Moita pegada
Un bo Baíñas castigou severamente ao Buño. Unha primeira parte positiva dos vimianceses finalizou coa única bagaxe do tanto de Cristian, nunha boa xogada. Por ocasións, a renta podería ter sido máis cómoda. O Buño protestou unhas mans de Pablo Rey, que o árbitro marcou fóra do área. E xusto cando os oleiros se decidiran a estirar líneas e buscar a igualada un tanto de Javi Suárez curtou calquera atisbo de reacción. Cristian, Esteban e Dani Casal se deron un festin na recta final do choque.
Volantes de Baño 1-1 Porteño
O Eleuterio Balayo, nunha vista paradisiaca onte - Foto: Porteño
Campo: Eleuterio Balayo
Volantes de Baño: Rubén Santos (Jose m.70), Juan do Sivil, Javi, Cajulo, Pardelo, Sergio, Andel, Mou (Álex m.84), Ivi, Roi (Uru m.54) e Mingos
Árbitro: De Vega Domínguez (A Coruña). Expulsou a Caamaño (m.90) do Porteño. Amonestou a Javi, Andel e Pedro de Paky do Volantes; Cousillas do Porteño
Goles: 0-1 m.70 Wii; 1-1 m.90 Uru
Un epílogo patético
O árbitro correndo cara os vestiarios, seareiros baixando a enzarzarse nunha tángana… é a lamentable imaxe final do Volantes-Porteño, onde unha chispa provocou un incendio. No estrictamente deportivo, o duelo pola permanencia resultou moi igualado e con oportunidades para os dous equipos. Non foi ata a reanudación cando se moveu o marcador. E aí empezou a polémica. Os muradáns protestaron que o Porteño non tirase o balón fóra. Cristian executou unha falta e, ao tentar deter o balón, Rubén Santos levou un golpe. O esférico quedou a pes de Caamaño, que centrou Wii empurrou en línea de gol. Os visitantes xustificaron que a rapidez da acción impedía darse conta ou tirar o esférico fóra. No sexto minuto da prolongación, e despois de que o colexiado concedera dous córners polémicos, Uru, nun rebote, logrou igualar, para cabreo porteñista. Curiosamente, no saque de centro o Porteño executou un balón que acabaría con remate de Pejo e unha man que inicialmente o colexiado sinalaría coma penalti, para posteriormente cambiar a fóra de xogo. A raíz de aí e co gallo do final montouse un follón censurable de comezo a fin.
Fisterra 4-2 Ameixenda
Tetramakaay
Catro goles de Adrián déronlle ao Fisterra un importante triunfo, que sirve para atopar de novo a senda positiva trala derrota de Verdillo. Enfronte estaba un Ameixenda que prantexou máis problemas do previsto, e que con dous goles nun minuto remontou o primeiro dos goles de Adrián. Brais, que non ía ser titular, resolveu un man a man ante Ángel, e pouco despois asistiu a Demetrio para facer o segundo. Segundos antes do intermedio Adrián igualaría de novo. Foi superior físicamente o Fisterra no segundo acto, e como os grandes non perdoan dúas veces Adrián resarciuse do erro no último minuto sete días atrás nas Pedreiras.
Camariñas 3-0 Esteirana
Campo: Hermanas Patiño
Camariñas: Pablo, Rodrigo (Brandon m.85), Moriño, Kevin, Vicente, Soule, David (Martín m.75), Yuyo, Pablo Mouzo (Vieites m.60), Nico e Pablo Suárez (Joseba m.87)
Esteirana: Manuel (Roberto m.46), Damián Suizo (Eloy m.73), Rafa, Martín, Álex, Adrián, Pablo Rama (Brais m.85), Simón, Codesido, Marcos (Iker m.81) e Tobío
Árbitro: Seoane Sánchez (A Coruña). Expulsou a Iker da Esteirana (m.89). Amonestou a Rodrigo e Kevin do Camariñas; Codesido, Pablo Rama e Rafa da Esteirana
Alegría plena en Camariñas
Dous goles do pichichi Yuyo e un tremendo tanto do Cadete Brandon déronlle unha xusta victoria ao Camariñas, ante unha Esteirana con ausencias e tanta xuventude coma o seu rival. Resultou un encontro entretido, con opcións para os dous equipos e un ritmo vivo. Os locais festexaron unha xornada de pleno en tódalas súas categorías.
As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
