Liga da Costa: Très bien

Redúcese notablemente o abanico de opcións a campión da Liga da Costa, despois de que o Ponteceso pinchase en Castriz; non erraron Zas, San Lorenzo e Fisterra, que parecen destinados a decidir todo nos enfrontamentos directos

A piques estivo o Porteño de dar un susto en Verdillo - Foto: SD San Lorenzo

Bazarra, a estación de servizo máis eficiente, patrocina a Liga da Costa. Coñécenos en www.bazarra.com Ameixenda 1-2 Buño

• Campo: San Paio de Refoxos
• Ameixenda: Maikel, Jorge, Demetrio, Javichu, Sergio, David, Jesús, Grille (Trillo m.67), Brais, Borja e Rafa (Ruso m.75)
• Buño: Toni, David, Fran Borrazás, Eloy, Dimitri, Emilio, Jordan (Gurita m.69), Dani Calvete, Richard (Alexander m.64), Víctor (Ramos m.88) e Miguel Dourado
• Árbitro: Sánchez García (A Coruña). Amonestou a Javichu, David e Borja; David do Buño
• Goles: 0-1 m.12 Víctor; 0-2 m.20 Richard; 1-2 m.64 Borja

Aire fresco para o Buño Unha boa primeira metade serviulle ao Buño para levar tres puntos fronte a un rival directo coma o Ameixenda. Os oleiros adiantáronse moi cedo, grazas a un testarazo de Víctor, e abriron máis a ferida cun disparo de Richard axustado ao pau. Co marcador en contra só lle quedaba volcarse a un Ameixenda ao que se lle está a facer moi longa a tempada e que escasea de capital humano. Houbo reacción tralo descanso. Borja, de tiro lonxano, acurtaba distancias. O propio goleador e Rafa estrelaríanse na madeira nunha media hora final de quero e non podo para os locais. O éxito sírvelle ao Buño para confirmar a mellora do último mes.   Cabana 2-2 Carnota

• Campo: As Redondas
• Cabana: Víctor, Rubén, Jose, Isma, Raúl, Alberto (Adrián m.46), Alejandro, Fernando (Christian m.83), Miki, José Manuel e David Varela (Reigia m.46)
• Carnota: Andrés, Bernardo, Adrián, Jose, Pedro de Pichín, Nakata, Raúl, Oreiro, Abelardo, Oli Bermejo e Manuel Luis
• Árbitro: Pardo Pose (A Coruña). Expulsou a Raúl (m.89) do Carnota. Amonestou a David Varela do Cabana; Manuel Luis Oreiro e Jose do Carnota
• Goles: 0-1 m.38 Abelardo; 0-2 m.78 Jose; 1-2 m.85 Raúl; 2-2 m.88 José Manuel

Cabana e Carnota dispáranse ao pé Non lle sirve de case nada o empate a Cabana e Carnota, que se neutralizaron entre ambos nun choque bonito de ver e con alternativas nas áreas e no xogo. Os visitantes, cunha convocatoria collida polos pelos, firmaron unha primeira hora máis que digna, sen facer nada difícil atrás e con efectividade arriba. Abelardo, nunha boa acción do equipo, mandou aos carnotáns con vantaxe ao intermedio. Cando, a falta de doce minutos, Jose facía o segundo, parecía enterrar ao Cabana e darlle un fío de aire ao seu equipo. Pero nin unha nin outra. Raúl e José Manuel tiveron en tres minutos a clarividencia que faltara antes. Nin un comeu nin o outro deixou comer   Cerqueda 2-4 Mazaricos

• Campo: Xaviña
• Cerqueda: Diego Dourado, Dani, Pazos, Athu (Bastón m.65), Uru (Jonás m.46), Manu, Fernandito, Juanjo (Javi Gemelo m.52), Brais, Luchi (Eloy m.58) e Martín
• Mazaricos: Iván, Ramón (Cerbán m.88), Matías, Martín, David, Ricardo, Chenel (Molinos m.85), Estéfano (Raúl m.80), Brais (David Lado m.70), Miguel Riveiro e Pereiro
• Árbitro: Méndez Castro (A Coruña). Amonestou a Diego Dourado e Dani do Cerqueda; Pereiro do Mazaricos
• Goles: 0-1 m.17 David, de penalti; 1-1 m.32 Fernandito, de penalti; 2-1 m.42 Luchi; 2-2 m.44 Ricardo; 2-3 m.47 Chenel; 2-4 m.72 Chenel

Cerqueda e Mazaricos-Foto-UD Unha vitoria de equipo ben feito Traballou e acabou por ter éxito o Mazaricos na súa visita ao Cerqueda. Os amarelos, unha das revelacións do curso, remontaron e apenas cometeron erros ante un rival que vive na calma clasificatoria. David, de penalti cometido por Diego Dourado, adiantou aos de Néstor Romero. Combativo e competitivo coma sempre, o Cerqueda voltearía o marcador cun penalti de Fernandito primeiro e cun remate de Luchi á saída dun córner (os visitantes pediron man). Resultou chave que non durara esa situación ata o descanso, xa que nun balón colgado Ricardo selou as táboas. Saiu moito mellor o Mazaricos na segunda metade, e Chenel estivo máis listo que toda a zaga rival. En dúas accións de desmarque e contragolpe, o veterán punta santiagués finiquitou o encontro.   Castriz 2-2 Ponteceso

11 do Castriz ante o Ponteceso-Foto-SD

• Campo: San Pedro
• Castriz: David, Iván, Martín Bardanca, Alejandro, Martín, Alberto, Bruno, Fabián (Darío Capelo m.58), David Agra, Bolón (Jose m.84) e Álex Flores
• Ponteceso: Brais, Diego Collazo (Laik m.53), Juanma, Charly, Baba, Mendieta, Alberto Recarey, Nando, Iago (Eloy m.54), Martín Puente e Dieguito
• Árbitro: Vázquez Lema (A Coruña). Amonestou a Martín, David, Bolón, Bruno, Álex Flores e Alberto do Castriz; Laik do Ponteceso
• Goles: 0-1 m.5 Alberto Recarey, de penalti; 1-1 m.68 Iván; 2-1 m.80 Álex Flores; 2-2 m.86 Nando

11 do Ponteceso en Castriz-Foto-SD Ao Ponteceso non lle entra o turbo Xusto na recta final perde fuelle o Ponteceso, que aínda que mereceu seguramente algo máis na súa visita a Castriz, volveu ceder terreo cos seus rivais. Púxose todo moi a favor para os de Barca aos cinco minutos de encontro, cando Alberto Recarey convertía un penalti sobre Martín. Entrou a cita nunha dinámica de intensidade clásica no pequeno San Pedro. Baba, nun remate de cabeza, e Alberto Recarey, nun libre directo, estrelaron no pau o que tería sido o 0-2. E chegou a remontada xalleira. Iván, ao segundo pau nun centro lateral, e Álex Flores, nunha protestada acción na que o Ponteceso pediu falta no salto, voltearon o marcador. Salvaría polo menos un punto Nando, a falta de catro minutos, cun disparo desde corenta metros que se colou pola escuadra.

Castriz-Ponteceso-Foto-SD   Baíñas 3-1 Coristanco

• Campo: Municipal de Vimianzo
• Baíñas: Sergio (Joselu m.84), Tantán, Carliños, Matías, Mario Casal, Jorge Calvete, Jaime (Samuel m.68), Tasky (Eloy Cabeza m.63), Esteban (Héctor m.80), Javi Suárez e Dani Casal (Canay m.46)
• Coristanco: Herrera, Jorge, Sergio, Mato (Damián m.58), Pazos, Gonzalo (Alexis m.58), Samuel, Jonathan (Iván Pena m.48), Iván, Javi e Pablo Díaz (Añón m.80)
• Árbitro: De Vega Domínguez (A Coruña).
• Goles: 1-0 m.10 Matías; 1-1 m.12 Pablo; 2-1 m.26 Javi Suárez; 3-1 m.42 Mario Casal

Case a medio ritmo Non tivo demsiados problemas o Baíñas para desfacerse dun Coristanco que segue a coquetear cos postos problemáticos. Os vimianceses adiantáronse cedo cun tanto de Matías, de libre directo. Igualaría pouco despois Pablo, ao cazar un balón morto no área, pero Javi Suárez, ao finalizar unha acción colectiva, e Mario, tras un centro de seu irmán Dani, sentenciaron. O segundo acto decreceu notablemente en emoción.   Camariñas 1-2 Unión Club Cee

• Campo: Hermanas Patiño
• Camariñas: Pablo, Rodri David m.83)i, Maikol, Pablo Mouzo, Moriño, Vieites (Brais m.61), Nico, Vicente, Paco, Soule e Yuyo
• Unión Club Cee: Ángel Luis, Nico, Chiru, Jacobo, Aitor, Esteban (Andrés Trillo m.74), Isma Leis (Jorgito m.88), Josiño, Leo, Penedo e Dani Picallo
• Árbitro: García Vázquez (A Coruña). Amonestou a Yuyo e Maikol do Camariñas; Isma Leis, Josiño e Jacobo do Unión Club Cee
• Goles: 0-1 m.35 Esteban; 0-2 m.42 Chiru; 1-2 m.85 Nico

O Cee segue a ser do mellor dos mortais Quitado o grupo de equipos que loitaron o título, o Cee podería ter levado unha especie de 'liga B'. Así quedou patente en Camariñas, onde deixou detalles de bo conxunto e prácticamente sentenciou antes do intermedio. Esteban e Chiru, dous rapaces de gran proxección, comprataron sendas xogadas notables. Xa na recta final, e cos locais apretando, Nico recurtou distancias.   San Lorenzo 4-2 Porteño

• Campo: As Pedreiras
• San Lorenzo: Javi Souto, Isaac, Adrián Varela, Rubén Varela, Rudi, Álex Figueiras, Parafita, Mario, Fuentefría (Taibo m.65), Dani Pena (Kevin m.58) e Luis (Juni m.65)
• Porteño: Martín, Adrián, Manuel (Xoel m.59), Pejo, Jose Manuel, Rodrigo, Marcos (Matías m.77), Quilmes (Mario m.89), Isma (Cristian m.82), Mario Toja e Cachi
• Árbitro: Fraga Viñuelas (A Coruña).
• Goles: 1-0 m.7 Álex Figueiras; 2-0 m.15 Mario; 2-1 m.28 Mario Toja; 2-2 m.49 Cachi; 3-2 m.58 Isaac; 4-2 m.65 Parafita

Un susto previo á fiabilidade Mantivo o San Lorenzo o pulso pola Liga da Costa, aínda que case se lle atraganta a visita do Porteño. Os locais pareceron sentenciar nun cuarto de hora, despois de que Álex Figueiras, de xogada persoal, e Mario, de falta directa, puxeran tera de por medio. Pero un erro na saída do balón permitiulle a Mario Toja acurtar distancias. Iso, unido aos problemas locais para finalizar as accións, deixaron un clime de incertidumbre, acentuado ao inicio da segunda metade, cando Cachi aproveitou un balón morto para igualar. Durou nove minutos a sorpresa, ata que Isaac estableceu de novo a xerarquía carballesa tras un córner. Parafita, a centro de Álex Figueiras, pechou o marcador.   Fisterra 5-1 Esteirana

Rodrigo, na imaxe contra o Ponteceso unha xornada atrás, firmou o gol da semana - Foto: SD Fisterra

• Campo: Ara Solis
• Fisterra: Ángel, Manuel Cartamil, Rodri, Jesús (Javi m.68), Julito, Cote, Guardiola (Adri m.66), Piti, Pablo Lestón (Mané m.53), Roco e Adrián
• Esteirana: Manuel (Roberto m.62), Dani Rama (Eloy m.62), Rafa, Martín, Álex (Campos m.62), Adrián, Pablo Rama, Codesido, Jaime, Simón (Manu m.19) e Tobío
• Árbitro: Carro Moreira (A Coruña). Amonestou a Manuel Cartamil, Julito e Cote
• Goles: 1-0 m.23 Adrián; 2-0 m.45 Cote; 3-0 m.51 Rodri; 4-0 m.67 Jesús; 4-1 m.88 Manu; 5-1 m.89 Adrián

Rodrigo de mi vida! Un gol como o imborrable de Iniesta contra o Chelsea en Stamford Bridge. Ese foi o autorregalo de aniversario que se fixo Rodrigo Lobelos, penúltima incorporación dun Fisterra que non tivo problemas para desfacerse da Esteirana. Os verdes seguen a poñerlle un rumbo case de 'avante toda' a unha segunda volta redonda. Adrián, tras un pase entre liñas de Jesús a Guardiola e pase da morte deste, abriu o marcador. Ao fío do intermedio, Adrián serían esta vez asistente para que Cote prácticamente sentenciase o choque (a Esteirana estrelaríase co longueiro na súa mellor chegada). E foi á volta dos vestiarios cando Rodrigo executou a súa obra mestra en forma de volea imposible. Foi o momento da tarde nun Ara Solis que tamén celebrou o debut goleador de Jesús e un novo tanto de Adrián, que entrou co balón na portería.   Volantes de Baño 0-2 Sporting Zas

• Campo: Eleuterio Balayo
• Volantes de Baño: Jose, Javi, Pardelo, Sergio, Uru, Andel (Julio m.86), Mou, Álex (Álvaro m.65), Ivi, Álex Siaba (Sergio m.73) e Ramonsiño
• Sporting Zas: Bugy, Martín, Josito, Braulio, Dieguiño (Diego Fernández m.60), Sande (Rubén Forján m.46), Isma, Adri (Manu m.59), Chapela, Dani e David Blanco
• Árbitro: Giráldez Teixeira (A Coruña). Amonestou a Sergio, Andel, Álex Siaba e Ramonsiño
• Goles: 0-1 m.66 Sande; 0-2 m.80 David Blanco, de penalti

Un trago pasado Conseguiu o Sporting Zas sair indemne da súa visita a Muros, aínda que tardou en certificar o que era un dominio notable. Monopolizou o balón na primeira parte o cadro visitante, aínda que tampouco foi quen de xerar demasiadas ocasións. Un man a man ao inicio errado por David Blanco, e outra opción de Sande foron o máis destacado. Foi o propio Sande o que abriu o marcador no ecuador da segunda metade, cun disparo desde a frontal do área. Sería xa nos compases finales cando o pichichi da Liga, David Blanco, aumentaría a súa conta ao transformar un penalti por mans no área muradán. Non tivo demasiados achegamentos un Volantes moi competitivo.