Os Veteranos da Costa comezan a organizarse

Fran Lago
10 de agosto de 2011 (15:48 h.)
O vindeiro venres, 12 de agosto, celebrarase a Asemblea Xeral de Delegados da Asociación de Veteranos da Costa. Dita xuntanza servirá para aprobar as novas altas nos diversos equipos, e tamén para poñer as bases da competición para a vindeira campaña. A reunión desenvolverase dende as 21:30h no Local da 3ª Idade de Neaño, en Cabana de Bergantiños. Na orde do día figuran a presentación de novas solicitudes de equipos entrantes para a nova tempada, a presentación do calendario para a vindeira campaña e o estudo de datas para o comezo da Liga e a Copa, ou os sorteos da primeira xornada da Liga. Pousarase sobre a mesa unha proposta para o comezo da competición. Dita proposta contempla un inicio da Liga na Primeira con 15 equipos, polo que desputaríanse 30 xornadas, entre as datas do 4 de setembro e o 22 de abril. Habería parón no Nadal e en Semana Santa. A proposta tamén contempla un calendario para a Segunda, con 14 equipos, polo que xogaríanse 26 xornadas, e co desenvolvemento da competición entre o 18 de setembro e o 1 de abril. Por outra banda, tamén presentaranse as contas da pasada campaña e instarase a que todos os equipos estean ao día no que se refiere aos pagos, antes do comezo da Liga. Será obrigada a presenza de polo menos un Delegado por equipo, e no caso de que non sexa posible a asistencia, haberá que notificalo á Asemblea por escrito.

Os blogs de Veteranos

Novas de Veteranos

Fonte

Etiquetas
Deportes Fútbol da Costa Veteranos