1ª Autonómica: Unha 'Piki' en Flandes e un líder ao grande

Un hat trick do punta do Outes e un novo éxito do Soneira, co guiño do empate dun gran Baio, resumen unha xornada positiva na categoría, incluida a apaixoante igualada no Cairo

Corme e Sofán deixaron un precioso espectáculo - Foto: SD Sofán

A Clínica de Fisioterapia Vértebra e a Podóloga Alicia Novás, de Baio, patrocinan a 1ª Autonómica. Pincha e coñéceas en www.vertebrabaio.com Corme 2-2 Sofán

• Campo: O Cairo
• Corme: Susiño, Brais Torrado (Juan Chans m.46), Cousillas, Adolfo (Alejandro m.85), Jesús, Sueiro, Diego (Joshua m.76), Adrián Doldán, Toniño, Lucas e Eloy (Miguel Torrado m.73)
• Sofán: Brais Vázquez, Iván Rey, Adrián, Sito, Rubén, Felipe, Pablo Martínez (Álex Varela m.60), Brais Barreiro, Luis (Ceide m.68), Raúl (Alex Pri m.86) e Javi Doldán (Insua m.80)
• Árbitro: Barros Vidal (A Coruña). Expulsou a Jesús (m.61). Amonestou a Lucas, Sueiro e Toniño do Corme; Doldán, Rubén e Insua do Sofán
• Goles: 0-1 m.5 Raúl; 1-1 m.43 Lucas; 1-2 m.59 Doldán; 2-2 m.89 Alejandro

Alejandro, o dèja vú de dúas décadas Non sacaron case nada en claro do derbi Corme e Sofán, que coa igualada frear lixeiramente dúas traxectorias notables. Acostumados a medirse e sen segredos, ambos conxuntos amosaron as virtudes habituais. Os locais, a alegría e descaro no prantexamento. Os visitantes, oficio e unha correcta lectura do choque. E máis a partires do gol de Raúl, nada máis comezar, nun dos primeiros achegamentos carballeses. O tanto serviu para que os locais se volcasen e deixaran espazos grandes, que esta vez a SD non foi quen de castigar. Polo contrario, apareceu a clase de Lucas para executar contra o intermedio un libre directo de xeito maxistral, con resultado de gol. Acentuou ese panorama a ofensiva sofanista nunha reanudación na que Javi Doldán firmou un dos goles do día, cun precioso remate en prancha, e tamén algúns dos erros máis lamentados de cara á meta rival. Tamén as tivo o Corme, combinativo na súa ofensiva e algo lánguido na resolución, agás no caso do interminable Alejandro, que contra o final foi o máis listo nun córner para resolver e igualar o encontro.

Lucas firmou un golazo de falta - Foto: SD Sofán

O derbi estivo moi desputado - Foto: SD Sofán   Malpica 2-5 Flavia

O Malpica, con once xustos - Foto: Luis Porto

• Campo: A Pedra Queimada
• Malpica: Víctor; Álex Marquez, Casais, Moscoso, Roi Carril, Carlos Mallo, Eme, Eloy Vilas, Petís, Jaco, Mara
• Flavia: Chile; Tito, (Diego m.70), Roberto, Chechu, (David m.77), Triñanes, Salva, (Po m.61), Lombri, Brais, (Damián m.57), Kevin, Rego, (Yordi m.66), Álex
• Árbitro: Bermúdez Seoane (A Coruña).
• Goles: 0-1 m.24 Rego; 0-2 m.33 Álex; 0-3 m.40 Rego; 1-3 m.50 Eme; 1-4 m.55 Kevin; 1-5 m.64 Álex; 2-5 m.83 Eme

Os once de case sempre Un Malpica con once futbolistas na súa convocatoria bastante tivo con aguantar o chaparrón ante un Flavia que xoga con outra realidade e moitas máis armas. Apenas houbo competitividade, aínda que iso si, os locais mantiveron e deron a cara en todo momento. A directiva bergantiñán tentará tomar medidas para evitar a imaxe dos últimos compromisos.   Baio 0-0 Cordeiro

Choque do Baio no Platas Reinoso

• Campo: Platas Reinoso
• Baio: Pablo, Fachal, Porto, Mario, Luis Alvite, Yago, Norberto, Brais, Martín (Moreno m,67), Luisito (Rubio m.82) e Christian (Josiño m.89)
• Cordeiro: Diego, Anxo (Adrián m.55), Damián, Álex, Taibo, Juanjo (Rodrigo m.90), Mateo, Bodaño, Gabriel (Christian m.83), Padín e Juanlu
• Árbitro: Morlán García (A Coruña). Amonestou a Yago e Fachal do Baio

Moito mérito Nin as baixas fixeron que decrecese o nivel competitivo dun Baio que sumou ante un candidato ao título de Primeira Autonómica. Os locais foron mellores durante a primeira hora, e tiveron as ocasións máis claras, sempre liderados por un Martín pletórico. Non inquedou o cadro pontevedrés, ata que na recta final, e marcado pola necesidade de gañar, veuse arriba. Aguantaron os baieses, que seguen a ser un dos cadros máis en forma da segunda volta.   Outes 4-1 Palmeira

• Campo: O Cunchido
• Outes: Mosto, Borja, Pose, Maroñas (Jura m.60), Dani Corniños, Martín, Davi, Eli (Kim m.30), Piki (Álvaro m.88), Yago Dosil (Babu m.85) e Chía
• Palmeira: Luna, Manu Millán, Brión, Óscar, Jorge, Mariño, Simón, Vicente (Fernando m.41), Amador, Álvaro e Gonzalo
• Árbitro: Castro Liñares (Santiago). Amonestou Yago Dosil e Quim do Outes
• Goles: 0-1 m.4 Vicente; 1-1 m.10 Piki; 2-1 m.76 Piki; 3-1 m.85 Piki; 4-1 m.89 Davi

Pikoteando Catro goles nun encontro accidentado, e con catro mancados, foi a bagaxe da tarde para un gran Outes. Comezaba moi mal a tarde para os de Manu de Roque, que nos primeiros compases encaixaban un tanto tras un gran disparo lonxano de Vicente. Houbo rápida resposta do home da tarde, Piki, que tras varios rexeites levaba as táboas ao marcador. Unha hora de tentativa frustrada tería recompensa a última hora. E de que xeito. Primeiro, desde corenta metros Piki poñía en pé ao Cunchido, que pouco despois celebraba outro gol do punta ao máis puro estilo 'messiánico'. Xa co equipo en modo 'frecha vermella do Pro', Davi facía o definitivo.   Carcacía 0-3 Soneira

Nin o campo de Mirarríos pudo co Soneira - Foto: SD Soneira

• Campo: Mirarríos
• Carcacía: Lito (Fabeiro m.71), Roberto (Batista m.23), Marcos, Kike, Iván, Pablo, Tni, Isma, Sergio (Rafa m.63), Juan (Javi m,79) e Rodri
• Soneira: Anxo, Darío, Brais Mouzo (Fran de Urroa m.46), Jota, Aarón (Maikel m.46), Cristian, Richi (Mario m.46), Basti, Javi, Alberto Vía (Óscar m.65) e Martín
• Árbitro: Val Castro (Santiago). Amonestou a Maikel, do Soneira
• Goles: 0-1 m.2 Martín; 0-2 m.13 Basti; 0-3 m.39 Basti

Un paseo para marcar diferencias Foi netamente superior o Soneira a un Caracacía que tirou dúas veces a porta e que en ningún momento logrou poñerse á altura dos vimianceses. Martín e Basti, en dúas boas accións, conseguiron meter os tres puntos na maleta antes dos primeiros vinte minutos, e a solidariedade colectiva pechou esa maleta para que non escaparan. O paseo serviulle a Basti para engordar unha conta persoal camiño de récord. E no segundo acto, o fútbol control dun líder flamante pudo deixar unha goleada de escándalo.

O Soneira celebrando a vitoria en Carcacia

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga (guillermoparga@quepasanacosta.com).