Parón de Nadal pero volve o fúbol da Costa de contado. Este domingo día 2 hai xornada, incompleta pois hai encontros atrasados, outros xa xogados e varias ligas que non disputan xornada estes días como son as das categorías inferiores ou os Veteranos.
Nos maiores este domingo xogan todos agás os sancionados e o Soneira, que adiantou o encontro ante o Grixoa ao pasado día 26 con boa fortuna. Iso si, o Soneira terá cita en Reis e recibirá ao Compostela en Vimianzo ás 17:00h.
Tamén ata Reis aprazou o Cee o seu encontro co Arteixo, o mesmo que o Cambre-Dumbría. Na 3ª hai un encontro que atmén se xoga por Reis e será ao que enfronte ao líder Mazaricos, co Independiente no Anexo das Eiroas.
Xa na xornada, o encontro máis interesante da fin de semana pode ser ese Club do Mar - Fisterra, que pode meter de novo aos de Manolo Santos na loita polo título. O Camariñas non o terá fácil ante o Malpica, mentres que o líder, o Ponteceso, recibe a un Baio que precisaba un descanso.
E se queren máis, non olviden que este domingo 2 de xaneiro tamén hai maratón de fútbol sala feminino en Ponteceso.
