Repaso ao estado das Ligas de FS da Costa da Morte
Aproveitamos esta fin de semana para facer un repaso a todas as Ligas de FS da Costa que seguimos en www.futboldacosta.com. Imos por Cee, Corme-Ponteceso, Carballo, Malpica e Mazaricos para recordar como van pegando os equipos.
Segunda Fase en Cee
Rematou a Liga e o Máis Deporte proclamouse novo Campión da Liga de Fútbol Sala de Cee, tomando o relevo da Cantina, ao que lle levantou o título na penúltima xornada.
O fisterrán Bruno, con 20 goles, foi o pichichi da 1ª, por diante do seu compañeiro na Cantina Roberto (13 tantos) e de Diego Cespón, do campión (13 goles).
Na 2ª División, ascenden PubNerio-El Armario de Marta e Panadería Pichín. Ambos se xogaban a honra de levar o campionato na última xornada e os do Ézaro puideron cos ceenses.
O mítico Fran Pioto, do Estrella Roja, foi o pichichi con 30 goles, polos 21 de Lucas Riveiro do campión, e os 18 de Diego Lojo, do Garaxa Xallas.
Agora, tralo parón desta semana, comeza xa o Play Off con doble partido dende Cuartos. Enfróntanse os 4 primeiros de cada liga para conseguir o título final.
1º contra 2º en Mazaricos
Seguen os Gorrións voando máis alto na liga mazaricán dos sábados, pero terán este día 5 o choque máis importante da Liga. A falta de 4 xornadas para o final, o Alborada, 2º a 5 puntos do líder, medirá as verdadeiras forzas dos paxaros. Ben é certo que o Alborada vén dun empate ante o Excavacións Yoni Tuñas, pero aínda esperan vencer para meterse na loita polo título.
Lembren, sábado 5 ás 21:30h, duelo no pavillón da Picota,
O Prisma-Illa-JB manda sen piedade
Non ten rival o Prisma-Illa-JB na liga sabatina de Malpica. Saca 8 puntos aos seus perseguidores San Frencisco e Bar Avenida, que se non gañan permitirían que o líder cantase o alirón con 3 xornadas de marxe se vence ao Bar O Cruce. Este sábado 5 nova xornada completa dende as 17:00h.
Igualdade na segunda fase de Ponteceso-Corme
Tamén os sábados temos liga en Ponteceso. E xa estamos na segunda fase, coa 1ª e 2ª División formadas e xa na 4ª xornada. Nas 3 primeiras vemos que o Faro Roncudo, un dos grandes favoritos, xa se asoma no alto da táboa, pero co permiso de Talleres Cotelo e Cervexería Ágora-Capelán. Precisamente a xornada deste sábado 5 a protagonizan o Faro Roncudo co Ágora, a partir das 15:50h.
En 2ª, igualdade máxima, con 6 equipos sumando 6 puntos nas 3 primeiras xornadas.
As 3 Ligas en marcha en Carballo
Despois do remate da primeira fase, nas que O Pazo e Brasería Carballo vencían os seus Grupos Azul e Vermello, arrincaron xa as 3 novas liguillas carballesas, cos grupos chamados Concello de Carballo, AD Carballo e donClic. Esta semana tocaba parón, pero a partir do luns 7 xa se retoman os partidos.
Máis novas do FS
- Os Gorrións seguen voando moi alto na Liga de FS de Mazaricos.
- O Máis Deporte, novo Campión da Liga de Fútbol Sala de Cee.
- O Pazo e Brasería Carballo vencen as Ligas carballesas.
- O Beba faise co vivido Campionato Interparroquial de Mazaricos.
- Cervecería Ágora e Os Aldeáns, campións de inverno da Liga de FS de Corme-Ponteceso.
- O Happy Day e o Sisnagor lideran as Ligas de FS de Corme-Ponteceso.
- Os Gorrión’s escapan na Liga de FS de Mazaricos.
- Os sábados son días de Fútbol Sala en Mazaricos e Malpica.
- Os favoritos toman o mando nas Ligas de FS de Cee.
- As Ligas de FS de Carballo, xa en QPC.
As táboas en www.futboldacosta.com
- Ligas de FS de Ponteceso-Corme – 1ª División.
- Ligas de FS de Ponteceso-Corme – 2ª División.
- Liga de FS de Mazaricos.
- Liga de FS de Malpica.
- Liga de FS de Cee – 1ª División.
- Liga de FS de Cee – 2ª División.
- Liga de FS Carballo – AD Carballo.
- Liga de FS Carballo – Concello Carballo.
- Liga de FS Carballo – donClic.
Fonte
- Redacción de QPC (info@quepasanacosta.com).