Dous choques case de urxencia na Preferente, un novo derbi na 1ª, varios choques de altura na Liga da Costa, e unha tarde sábado coa xornada completa da 3ª e unha fermosa sesión de Ligas Autonómicas de Base no Conco, son os pratos fortes desta primeira fin de semana de outubro.
Por arriba, Dumbría e Xallas comezan a ter urxencia de sumar, pois pechan a táboa cun só punto. Non o terán sinxelo, pois o Dumbría xoga fóra de casa ante o Puebla, e o Xallas recibe a un dos de arribal, o Dubra.
Toca o segundo derbi da tempada na 1ª, e tamén co Malpica como protagonista. Se o equipo de Chema Rivadulla caía co Outes, agora tócalle un Baio en horas baixas, cun só punto no taboleiro. Ademais, o Soneira intentará manter a súa imbatibilidade cunha complicada saída ao recén ascendo Palmeira. Outro vello rival do Zas do ano pasado na fase, o Tordoia, será o rival dun Sofán que vai a máis, como tamén o Outes que visiya ao Val do Ulla. Máis necesitado está o Corme que visita ao Bertamiráns B, para poder adiantalo e respirar mñais tranquilos.
Na Liga da Costa, varios choques interesantes, como o sempre histórico choque entre o colíder, o Ponteceso e o Cee. Polos opostos en Verdillo, entre un San Lorenzo que o gañou todo e un Volantes que aínda non gañou nada. Estaremos atentos ao partidazo do municipal vimiancés, Baíñas-Fisterra, 4º contra 3º. E tamén toca botar o ollo no choque entre recén ascendidos Ameixenda e Cerqueda.
A 3ª, xógase integramente en sábado.
E o sábado teremos tamén unha fermosa tarde de fútbol base de alto nivel no Conco, co partido dos xuvenís de Liga Galega ás 17:00h co Val e dos Cadetes de Divisón de Honra ás 19:00h ante o Bora.
Hai tamén xornada completa do base comarcal e máis dos Veteranos.
As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
