3ª Autonómica: Nayim Lema firma tablas

Comezou a final polo ascenso cun Corcubión salvando os mobles, grazas a un golazo do seu dianteiro que emulou o da Recopa do Zaragoza

Ambientazo no Muxia-Corcubion-Foto-Luis Muxía 2-2 Corcubión

Clínica de Fisioterapia Sar patrocina a 3ª Autonómica. Coñécenos no FB

• Campo: Arliña
• Muxía: Papi, Chans, Currás, Conguito, Martín, Denis (Gusa m.46), Pana (Alberto m.60), Noé, Pereira, Josiño (m.40) e Julán
• Corcubión: Beto, Adri (Toja m.46), Senra, Pabliño, Xabi (Abe m.85), Gabi, Sebas, Mario Suárez (Samuel m.61), Alán, Lema e Tito (Germán m.57)
• Árbitro: Rodríguez Campos (A Coruña).
• Goles: 1-0 m.47 Pereira; 2-0 m.56 Noé; 2-1 m.70 Lema; 2-2 m.89 Lema

Volveu do ultramundo Perdido nunha dinámica negativa no último mes, que lle levou a non ascender directamente, o Corcubión parecía de novo condeado en Muxía, onde os locais vencían por dous goles a falta de vinte minutos. E nada máis lonxe da realidade. Duascentas persoas acudiron a un Arliña moi 'tocado' para presenciar un encontro sen demasiadas oportunidades na primeira metade, cun par de achegamentos tímidos por cada bando. Os de Manín atravesan o momento de maior confianza do curso. E nótase moito. Unha falta colgada permitiulle a Pereira facer o primeiro á volta do vestiario, e pouco despois o fisterrán Noé finalizaba a gol unha contra. Parecía noqueado o Corcubión, que pudo ter encaixado o terceiro por medio de Castreje. Pero apareceu a figura do visitante Lema. Primeiro controlou un balón no área para fusilar a Papi, e xa contra o final marcou o gol do ano, imitando o mítico de Nayim na Recopa contra o Arsenal. Viu a Papi adiantado e tirou de clase para igualar o marcador.

Muxía-Corcubión-Foto-Luis

Novas relacionadas

• Copa da Costa Xuvenil: O Xallas, gran campión.
• Vanse poñer de punta ata os pelos dos Rapacollóns.
• Crónica de Guillermo Parga do ascenso do Soneira: Nunca agardei menos de ti.
• Consternación costeira pola morte dun xogador do Muxía de 15 anos.
• Os arrastres provocarían a día de hoxe o descenso de Xallas, Baio, Corme, Buño, Ameixenda e Volantes.
• Noé e Geiko, os premios Zamora e Pichichi da 3ª da Costa.
• Rikísimo ascenso.
• O Laxe é novo equipo da 2ª Autonómica!.

Máis información

• Os cadros da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga (guillermoparga@quepasanacosta.com).