700 escolares participarán na final comarcal de Cross no Conco

As instalacións do Conco, noo Concello de Dumbría acollerán a proba organizada pola Secretaría Xeral para o deporte en colaboración con este Concello, A.D. Escolar As Rías e A.D.D. do Barbanza
O xoves 9 de abril, ata as instalacións municipais do Conco desprazaranse 900 alumnos e alumnas destes centros educativos:

• CPI As Revoltas
• CEIP Ponte do Porto
• IES Terra de Xallas
• CEIP do Pindo
• CEIP San Vicenzo
• CEIP Plurilingüe Carnota
• CEIP do Mar de Fóra
• CEIP Virxe da Barca
• IES Eduardo Pondal

O alumnado competirá nas categorías benxamín, alevín, infantil e cadete, tanto masculino coma feminino. E poderá gozar dunha xornada que promove unha práctica deportiva, educativa e saudable, competindo nunha modalidade de gran tradición histórica en Galicia.

A proba disputarase nun entorno natural, propio dunha carreira de cross, situado na parte posterior das instalacións deportivas do Conco.

Esta proximidade facilita o acceso a servizos básicos de vestiarios, oficina técnica, pavillón deportivo e cafetería.
O circuíto elixido é a sede desde hai cinco anos da única proba de obstáculos que se celebra na comarca, que xa se converteu nun referente a nivel galego, o cross de obstáculos Terras do Vákner.