A praia do Ézaro prepárase para herdar a súa multifesta

Tralo éxito dos Campionatos de España da pasada fin de semana, xa temos programa da XXVIII Festa da Praia de Ézaro, que se celebrará esta fin de semana de 2, 3 e 4 de agosto. Ollo que xa van 28 anos de festa, nos que ademais das actividades deportivas de primeiro nivel, o areal dumbriés acollerá festas de primeira orde.

A festa xa comeza o venres 2 de agosto a golpe de rockandroll cunha "noite Herdeira". I é que na Casa de Pedra, tocarán, en formacións distintas, iso si, Fran Velo con The Lakazáns; Antonio Novo “Tuchiño”, con Recambios Tucho e Tonhito de Poi, coa Banda de Poi. Así mesmo Javi Maneiro “ Jafuxo” ten previsto acudir, aínda que por problemas laborais, chegará algo tarde, polo que non se descarta que rematen tocando algunha mítica xuntos.

O sábado continúa a festa, con campionato galego de volei praia e maratón de fútbol praia pola tarde, para dar paso a Dj Rubén Martínez que abrirá a sesión noctura, que desta volta chega da man da orquestra America S.L. e Ciclón.

O domingo 4 amence con sardiñada popular de balde, e pola tarde haberá música, actividades para os nenos e deporte, moito deporte. Pola noite, porá o fin de festa a orquestra Estrellamar.

Novas relacionadas

• A praia do Ézaro segue reafirmándose como enclave deportivo a nivel estatal.
• A Festa da Praia acollerá citas galegas de gran importancia deportiva.
• Nin a chuvia pode coa multifesta, con sorpresa, do Ézaro.
• 18 noites de verán para disfrutar da Fervenza do Ézaro iluminada.
• Dumbría prepara un verán cheo de actividades.
• A Devesa da Lúa acollerá un ano máis a Festa da Familia de Dumbría.

Fonte

• Redacción de QPC (info@quepasanacosta.gal).