A Lonxa de Fisterra convertiuse nun fermoso teatro

Dentro do programa Outono Teatral, o Departamento de Cultura do Concello de Fisterra, o pasado domingo realizouse na lonxa de Fisterra a obra de Titeres Pinocho. Como en obras anteriores do mesmo ciclo, o local contou coa presenza de máis de 140 nen@s acompañados dos seus pais e avós.

O espectáculo comezou as 7 da tarde coa obra de Pinocho da Compañía de Títeres Cachirulo, espectáculo infantil de títeres baseado no conto de Carlo Collodi Le aventure di Pinocchio. O famoso boneco construído por Geppeto vivíu as máis incribles aventuras para chegar a ser un neno de verdade o cal fixo rir durante toda a tarde do domingo a tantos nen@s.

Vindeira cita

Ademáis o concello informa que a próxima obra que poderán ver os veciños de Fisterra será "A verdadeira historia dos tres porquiños" da Compañía Teatro del Andamio.A cita será o 11 de decembro na Casa da Cultura de Sardiñeiro, ás 7 da tarde, e o domingo 12, a mesma hora, na lonxa de Fisterra, teatro "Os Bolechas.

Novas relacionadas

• O Concello de Fisterra prepara unha morea de actividades culturais ata o Nadal.

Fonte

• Departamento de Cultura do Concello de Fisterra.