Cabezudos volveron saír polas rúas de Fisterra-Foto-Dario Gómez
Lembrabamos hai pouco a fermosa historia dos cabezudos de Fisterra (e dos de Muxía). Pois xa están na rúa, e sairán, ademais de nesta Feira de Inverno, no Entroido, no Cristo e demais festa que se cruce polo camiño.
A pasada fin de semana saíron pola rúa pero a chuvia obrigounos a resgardarse no Mercado Municipal, onde amenizaron precisamente a Feira comercial e artesanal. Desfilaron da man do Grupo de Gaitas Pedras Miúdas de Lires, e foron presentados un a un polo actor Pepe Penabade.
Aí estiveron a Orca Vella, a Raíña Lupa, a peixeira, a redeira, o pirata, a vella, o vello,o mariñeiro, o gaiteiro e a pandereteira. Toda unha familia que dará moito que falar por Fisterra.
[fbvideo link="https://www.facebook.com/paula.neminalires.5/videos/1894075247484874/" width="650" height="400" onlyvideo="1"]
Todo o mundo pasou de medo, e as caras de emoción dos cativos e deses maiores que facían memoria daban conta da intensidade destes persoeiros.
Tamén o disfrutaron os artesáns. Houbo que rematalos en tempo "record", a pesar de que un obradoiro como estes debería durar meses. O apuro das subvencións anuais, provocou algúns detalles mellorables pero @s artesáns, e a mestra, Viki Rivadulla, quedaron encantad@s.
