Comezan as obras de mellora da estrada de Fisterra

Xa están en marcha as obras de rehabilitación do firme na AC-445, concretamente nas travesías de Fisterra e A Anchoa. Estas actuacións, postas en marcha pola consellería de Infraestructuras e Vivenda da Xunta de Galicia, forman parte dun paquete de reforzos de firme, adxudicado á empresa Nemesio Ordóñez S.A, por un importe de preto de 417.000 euros. Este paquete, ademais das obras que veñen de iniciarse na AC-445, inclúe outras nas travesías das estradas AC- 544, en Bertamiráns; AC-455, en Portomouro; e AC-196, en Ponte Nafonso. Os traballos comezados na AC-445, no concello de Fisterra, levaranse a cabo no treito comprendido entre os puntos quilométricos 11 e 13,210, polo que se mellorará o estado do firme ao longo máis de dous quilómetros. Tense previsto que as obras neste tramo rematen na primeira quincena de xullo. O proxecto contempla o estendido dunha nova capa de rodadura en toda a sección transversal e se completará co repintado das marcas viais. Tras o remate do reforzo de firme no concello de Fisterra, as actuacións continuarán nas outras estradas obxecto do contrato.   Novas relacionadas

• Adxudicadas por 146.000€ as obras de ampliación e mellora da estrada de Berdeogas
• As axudas para a mellora de estradas da Xunta crea discrepancias
• A deputación adxudica as obras de mellora das estradas
• Só 11 concellos costeiros acóllense ao PAI da Deputación.
• A deputación licita as obras de mellora das estradas da Costa da Morte
• Tras ano e medio de obras, a autoestrada de peaxe da AG-55 volve ter dous carrís
• Pequeño: “O Concello ten que facer de empresa pública para fixar poboación”
• 20-08-15: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
• A Deputación inviste máis de 700.000 euros no arranxo da estrada que comunica Coristanco con Santa Comba

Fonte 

• Redacción QPC (info@quepasanacosta.com)
• Consellería Infraestructuras e Vivenda