Copa da Costa: Como vos poñedes!

Fisterra e Vimianzo foron epicentros de dous encontros espectaculares, que cheiraron a Copa da Costa edición reserva, e non un torneo do KO de garrafón como nas primeiras roldas

Soneira e Baio xogaron o seu terceiro derbi do curso - Foto: Soneira SD Soneira 2-1 Baio

De la Sierra e Mario cos colexiados-Foto-Santi Soneira

• Campo: Municipal de Vimianzo
• Soneira: Anxo, Brais Mouzo, Aarón, Jota, Figueroa, De la Sierra, Sandelo, Richi, Alberto Vía, Javi e Basti
• Baio: Pablo, Yago, Porto, Mario, Luis Alvite, Norberto, Peke (Brais m.77), Rubio (Saleta m.60), Moreno (Fachal m.60), Luisito (Christian m.77) e MC
• Árbitro: Gil Soriano (A Coruña).
• Goles: 0-1 m.15 Norberto; 1-1 m.45 Alberto Vía; 2-1 m.56 Javi

Choque da Copa da Costa entre Soneira e Baio-Fofo-SD De purísima e ouro Seguidores confesos de Sabina son moitos membros do grupo dun Soneira, así que a fin de semana para os vimianceses ben podería chamarse como o famoso tema do canalla nacional. O de ouro, pola celebración do cincuenta aniversario o sábado. E de purísima, pola tarde de derbi e Copa que deixou o Municipal, co gallo da visita dun Baio que nunca vende a súa pel barata. Como todavía despertando da festa previa, os minutos iniciais foron toda unha sorpresa para o campión de Primeira, que entrou no choque cun gran disparo de MC tras pérdida de Sandelo, e sufriu un golpe en forma de gol de Norberto, nun cabezazo no que lle ganou as costas a Figueroa. Encabezou a reacción Alberto Vía, primeiro cun aviso en forma de libre directo, e antes do intermedio ao igualar cun disparo ao segundo pau, despois de que De la Sierra atopara unha autopista para exercer un pase exquisito, como se da nova estrada na zona se tratase. Tivo a posesión case por compreto o cadro de Manolito, pero aínda sufriría un novo susto nun paradón de Anxo a MC, e celebraría a remontada, tras testarazo dun Javi ao que non é habitual verlle estampar os pelos laranxas contra o esférico, polo menos en accións de gol.   Fisterra 3-3 Xallas

Houbo filloada na grada, xentileza dos Rapacollóns - Foto: SD FIsterra

• Campo: Ara Solis
• Fisterra: Norberto, Dani Rubia, Piti, Manuel Cartamil (Rodri m.57), Roco, Guardiola (Breixo m.57), Cote, Pablo Lestón (Adri m.79), Jesús (Abel m.87), Adrián e Bruno
• Xallas: Julián, Cristian (Óscar m.46), Hugo, Fernando (Rachón m.66), Vecino (Pablo Novo m.78), Martín Barreiro, Marcos, Canedo, Anxo (Barbeira m.78), Jesús e Camilo (Fernando Silva m.87)
• Árbitro: Rodríguez Penas (A Coruña). Amonestou a Bruno, Pablo Lestón, Rodri, Piti, Jesús e Adrián do Fisterra; Cristian, Vecino e Rachón do Xallas
• Goles: 0-1 m.17 Jesús; 1-1 m.45 Adrián, de penalti; 1-2 m.47 Anxo; 2-2 m.57 Bruno; 3-2 m.69 Adrián; 3-3 m.90 Hugo

Fóra de control Desatados, como quitándose toda a presión competitiva dos dous últimos meses. Sen filtros. Sen reservas. Desfrutando. Así se tomaron o partidazo da Copa o Fisterra campión e o Xallas salvador, e o resultado foi unha orxía de goles, alternativas no mando, no marcador e oportunidades para mudar o guión. E todo para que funcionasen os baberos dos que o desfrutaban a pé de campo ou co traseiro posado no sambódromo de Ara Solis. Foi para o vencedor da Liga da Costa unha proba de nivel, e foi aprobada nalgúns puntos e está pendente de reválida noutros. Por exemplo, os desaxustes ou faltas de contundencia en accións chave. Na primeira delas, Jesús abriu o marcador tras un despexe de Norberto contra Anxo. Problema un, solución un. Adrián, antes do intermedio, igualou ao transformar unha pena máxima. [fbvideo link="https://www.facebook.com/jorgeparri/videos/10206472271827936/" width="660" height="400" onlyvideo="1"] Unha acción individual de Anxo, con defensa algo pasiva, deixou o problema dous para un Fisterra que entón si sacou a súa mellor versión. Apareceron estelares Adrián e Bruno, cun esforzo coral sobresaínte de todo o equipo. O 'fuguillas' da banda executou un control perfecto e resolveu ante Julián para equilibrar. E o 'capocanonieri' da Costa remontou cun tiro cruzado. Era a quintaesencia e o éxtasis colectivo en Ara Solis, pero o primeiro 'sopapo' mental en moito tempo chegou co tempo cumprido, cun disparo lonxano de Hugo que tras varios rebotes acabou no fondo da rede e deixou un panorama para A Fontenla que promete ser un volcán de sensacións.   Mazaricos 2-0 Corcubión

• Campo: Peña do Ouro
• Mazaricos: Miguel, Matías, David García, Ricardo, Pereiro, Miguel Riveiro, Brais (Marcos m.73), David Lado (Martín m.55), Estéfano, Molinos (Raúl m.81) e Chenel
• Corcubión: Beto, Mario, Marcos, Gabri, Sebas, Samu, Lema, Toja, Adrián (Alan m.46), Tito (Miguel m.61) e Senra (Rama m.50)
• Árbitro: Núñez Fiuza (A Coruña). Amonestou a Pereiro, Marcos e Miguel Riveiro do Mazaricos; Senra Emilio, Gabri e Sebas do Corcubión
• Goles: 1-0 m.20 Chenel; 2-0 m.81 David García

Mazaricos intúe as 'semis' Pode ser o motor máis pequeno na carreira das semifinais un Mazaricos que deixou moi adiantado o traballo ante o Corcubión. Foron mellores os de Néstor Romero, tanto no aspecto cualitativo como no despliegue físico. Os visitantes, moi cansados despois dun curso maratoniano, acusaron tamén algunha baixa importante. Chenel, que trouxo de cabeza á zaga corcubionesa, abriu o marcador nunha boa acción no ecuador do primeiro acto. Foi en forma de monólogo o guión desa fase da contienda. O bo facer de Beto co paso dos minutos evitou un marcador severo e mantivo a flote a eliminatoria, pero non pudo co tino de David García contra o final. Para entón o goleador Lema xa exercía de central e o abanico de posibilidades do Corcubión era reducido. Houbo arreón final, pero nin forzas, nin profundidade nin acerto.   Sporting Zas 2-0 Cerqueda

• Campo: San Andrés
• Sporting Zas: Bugy, Martín, Josito, Braulio (Isma m.46), Rubén Forján, Elías, Manu, Adri, Chapela, Dani Mato (Rubio m.46) e Cilindro
• Cerqueda: Diego Dourado, Sergio, Brais, Jonathan (Adrián m.54), Dani, Juanjo, Bastón, Manu Guillamet, Martín, Lorenzo e Eloy
• Árbitro: Remesas Rodríguez (A Coruña). Expulsou a Martín, do Cerqueda (m.84)
• Goles: 1-0 m.9 Braulio; 2-0 m.78 Rubio

Unha papeleta ben resolta Na previa ao debut na promoción de ascenso, e con cautela á hora de configurar o equipo, o Sporting Zas foi quen de deixar moi encamiñado o pase a semifinais, tras superar a un moi áspero Cerqueda. Os bergantiñáns chegaban tamén cunha convocatoria moi condicionada, e apostaron por manterse xuntos e pechar os carriles sportinguistas. Sen embargo, o golpe que rachou o encontro chegou a balón parado, ao rematar Braulio a gol un saque de curruncho. O tanto non variou en exceso un panorama que deixaba a posesión aos locais e a resistencia aos visitantes. Chapela tería un par de boas opcións máis no primeiro acto. Estirou lixeiramente o Cerqueda na reanudación, aínda que sen demasiada profundidade. Si acertou Rubio, tras definir ao pau curto un pase de Martín. Lorenzo tería a mellor para os seus, pero Bugy salvou.  

A Gala do Fútbol da Costa

• Mazaricos acollerá a III Gala do Fútbol da Costa-QPC.

O Congreso de Adestradores

• Marcos Molk: “Deporte, formación e Carballo. DIMOLK tiña que apoiar o Congreso de Fútbol”:
• Presentación oficial: Carballo, capital do fútbol branquiazul e nacional.
• QPC e Fútbol Táctico traen primeiras espadas ao I Congreso de Fútbol Concello de Carballo.

Novas relacionadas

• Crónica do ascenso á Preferente do Sofán: 1ª Autonómica: Pelotas de aceiro e de Preferente.
• Crónica da Permanencia do Xallas: Preferente: Querido Santa Claus….
• Adrián Makaay, segundo máximo goleador da historia do Fútbol da Costa.
• O Fútbol Base foi protagonista en Cabana, Outes, Cee e Santa Comba.
• Basti e Makaay, Insua e Bugy, pichichis e Zamoras das Ligas da Costa.
• 4 equipos seguen pendentes dos arrastres.
• 3ª Autonómica: Os penaltis devolven ao Corcubión á Liga da Costa.
• Copa da Costa Xuvenil: O Xallas, gran campión.
• Artigo de Guillermo Parga do título do Fisterra: Vanse poñer de punta ata os pelos dos Rapacollóns.
• Artigo de Guillermo Parga do ascenso do Soneira: Nunca agardei menos de ti.
• Noé e Geiko, os premios Zamora e Pichichi da 3ª da Costa.
• Rikísimo ascenso do Montelouro.
• O Laxe é novo equipo da 2ª Autonómica!.

Máis información

• Os cadros da Copa da Costa 2016 e das Fases de Ascenso en www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga (guillermoparga@quepasanacosta.com)