Ordóñez, primeiro adestrador que cae

Apenas estamos na xornada 7 e xa temos o primeiro adestrador que deixa o seu banco. Trátase de Ordóñez, que deixa o banco do Sporting Zas tras un comezo dubitativo, no que apenas conta con 6 puntos en 6 partidos disputados.

É certo que se esperaba máis deste Zas tralas incorporacións de Peke ou Javi Suárez, pero as últimas dúas goleadas na casa ante dous dos favoritos da categoría como Malpica e Soneira, preciparon a saída, “de común acordo,” do adestrador da Ponte do Porto.

A directiva zaseira xa busca novo inquilino para tomar o banco da nave.