Preferente: O Sofán demostra estar un punto por riba do Fisterra
Igualado derbi en Ara Solis entre os dous equipos costeiros da Preferente, que só se decantou no treito final pero que demostra o visto ata agora na Liga: o Sofán está un punto por riba do Fisterra. Os carballeses venceron e suman xa 18 puntos, deixando a 6 os postos de descenso. Ao cadro de Fabián, que estreo segundo no banco, o laxense Kali, escápaselle a zona de salvación xa a 10 puntos. Nada insalvable en todo caso.
Por Fisterra quedan, en calquera caso, satisfeitos, por poder competir a pesar das innumerables baixas e ter que xogar con varios xuvenís e 3 porteiros na convocatoria. O físico foi clave.
Xoves, nova xornada.
Fisterra - Sofán (2-4)
- Fisterra: Aarón, Breixo, Juan, Julito, Andrés Vigo, Lois, Lobelos, Cotelo, Jose M., Ibrahim, Ricardo Coria. Tamén: Aarón Casais, BIlal, Mamadou e Guillermo.
- Sofán: Álex López, Noe, Gody, Bece, Canedo; Alexandre, Fita, Dani García, Pablo, Bandera, Eibe. Tamén: Taibo, Dani Pena, Brais Gómez, Brais Cancela e Paulo.
- Goles: 1-0, m.8: Ibrahim; 1-1, m.44: Fita; 1-2, m.75: Paulo; 1-3, m.77: Dani Pena; 1-4, m.89: Juanjo; 2-4, m.90: Ángel.
Comezou o partido tremendamente igualado, cun Sofán intentando combinar, e facendo dano a balón parado, e unha SD que buscaba saídas rápidas. Nunha desas Ibrahim abría o marcador, despois de que David Bandera avisase con dous remates de cabeza.
Pronto saía expulsado o adestrador local Fabián, e o Sofán mete unha marcha máis e faise co dominio, con boas chegadas por banda da man de Alexandre, que non dá atopado rematador. Só ao fío do descanso, xa no desconto do primeiro tempo, chegaría o gol de Parafita ao recoller un rexeite nun tiro de Pablo.
Continuou o mesmo guión na segunda, e volvía ameazar o Fisterra nun man a man que salva Álex López. Foi clave o banco, sobre todo no bando visitante, que revolucionou o partido. Corría o último cuarto de hora, cos suplentes sofanistas voando polo céspede e os titulares fisterráns moito máis cansos, cando marcabana Paulo; Dani Pena empurrando á rede un pase atrás de Alexandre tras un saque rápido de Gody; e Juanjo, que a conta novamente nun remate de cabeza nun corner sacado esta vez por Alexandre.
Aínda o Fisterra tirou de orgullo e marcou o seu segundo tanto.