Aberta a inscrición para as actividades de maiores de Malpica

O Concello de Malpica vén de anunciar a posta en marcha dun programa de actividades dirixidas ás persoas maiores do municipio, co obxectivo de fomentar o seu benestar, estimular as súas capacidades e ofrecer espazos de encontro e lecer. 

As propostas inclúen talleres de manualidades, memoria e ortografía, con horarios adaptados e localizacións tanto en Malpica como en Buño.

Os talleres son os seguintes:

Taller de Manualidades (comeza o 3 de outubro)

• Buño · Martes e xoves, de 15:45 a 17:45 h, na Casa do Oleiro
• Malpica · Martes e xoves, de 18:00 a 20:00 h, no Centro Cívico

Taller de Memoria

• Buño · Venres, de 10:30 a 12:00 h, no CAT (antigo Centro Comarcal). Comezo: 26 de setembro
• Malpica · Martes, de 10:30 a 12:00 h, no Centro Cívico. Comezo: 30 de setembro

Taller de Ortografía

• Buño · Mércores, de 10:30 a 12:00 h, no CAT (antigo Centro Comarcal). Comezo: 1 de outubro

As persoas interesadas poderán inscribirse a partir do 8 de setembro, chamando ao teléfono 981 720 280 ou acudindo directamente ao Departamento de Servizos Sociais do Concello de Malpica.