Dúas semanas de Entroido en Malpica
05 de febreiro de 2026 (08:38 h.)
O Concello de Malpica de Bergantiños, en colaboración con ANPA Ventorrillo, ANPA Xaviña, AC Raigañas, AC Malante, ACD Mallas de Area, Redeiras Mar da Illa, Asociación de Amijos da Mikaela, ACD Carcaxía, AVCS O Brizo, AC Campal, AVSC O Quinteiro, o CEIP Milladoiro e o CEIP Joaquín Rodríguez Otero, vén de presentar esta mañá o programa do Entroido 2026.
Durante máis de dúas semanas, esta celebración transformará as rúas da vila e das súas parroquias nun escenario cheo de cor, ledicia e tradición, cun amplo calendario de actividades pensado para todos os públicos.