O PSOE provincial toma nota do estado da pesca artesanal en Malpica

Bernardo Fernández, estivo esta fin de semana en Malpica para escoitar ás persoas que traballan no sector da pesca. Acompañado do portavoz do PSOE de Malpica, Walter Pardo, e da secretaria de Pesca do PSdeG, Patricia Otero, a xornada serviu para achegarse a complexa realidade da pesca artesanal o novo secretario xeral provincial do PSOE.

“Estase a tramitar unha nova lei de pesca por parte do goberno central e queremos enriquecer ese texto coas propostas dos que mellor coñecen o sector”, asegurou. “Queremos que a lei se adapte da mellor maneira posible ás necesidades do sector, que sufre ademais o desleixo da Xunta”, engadiu o secretario xeral.

Mostra

Ademais, a visita tamén recordou a aposta da Deputación pola Mostra de Olería, cunha achega de 80.000 para a importante cita desta fin de semana. “A partida é unha petición expresa do socialista Walter Pardo, que solicitou este apoio á mostra antes de verse obrigado a deixar a alcaldía de Malpica pola moción de censura”, aseguran dende a Deputación, que destacan que o investimento provincial servirá para cubrir o 80% dos gastos da Mostra.