Gardacostas decomisa máis de 1000 aparellos e 500 kg de peixe e marisco furtivo na ría de Muros e Sardiñeiro
Axentes do Servizo de Gardacostas de Galicia, dependente da Consellería do Mar, requisaron máis de 1.740 quilos de peixe e marisco e 1.123 aparellos de pesca en diferentes operativos realizados nos últimos días en toda Galicia. E boa parte deles tiveron lugar nas nosas rías.
A Ría de Muros e Noia foi escenario de diversas actuacións contra o furtivismo nas que os axentes se fixeron con máis de 506 aparellos de pesca e 96 quilos de peixe e marisco. Na actuación máis destacada os inspectores incautaron 255 nasas e cacharros de polbo e 55 quilos desta especie.
Ademais na Costa da Morte os axentes realizaron diversos operativos contra a pesca ilegal. Neles fixéronse con máis de 363 quilos de especies, 504 aparellos de pesca e 750 metros de artes de enmalle. A actuación máis relevante foi na zona do Sardiñeiro, en Fisterra, onde os axentes incautaron 250 cacharros para polbo, 6 nasas viveiro, 1 liña de fondeo e 15 sacos de rede. Nesa mesma operación tamén se fixeron con 272 quilos de peixe e marisco variado, a maioría mexillón de rocha.
Novas do mar
- Agosto 2016: O novo peche da pescada indigna á pesca artesanal.
- Maio 2016: O caos da Política Pesqueira Galega.
- Maio 2016: A Pesca artesanal volve ás rúas contra o arrastre.
- Abril 2016: Un percebeiro cae ao mar en Fisterra e aparece un corpo en Caión.
- Abril 2015: A Asoar confirma a baixada do polbo e propón novas medidas para o Plan de Xestión.
Artigos para calafatear
- Un día especial na vida dun percebeiro.
- Calafateando: Bañistas si. Furtivos… non, grazas!!!.
- Diario dunha mariscadora.
- A veda do polbo: necesaria… pero suficiente?.
Fonte
- Consellería do Mar.