Un concurso de fotografía do máis gandeiro

Os autores das fotografías premiadas recibirán vales de compra por valor de 150, 100 e 50 euros Unha das actividades que xa está en marcha e que se enmarcan na Semana Gandeira de Mazaricos é un concurso de fotografía que baixo o lema "persoas de todas as idades, interactuando con animais ou no agro" poden participar todos aqueles interesados tanto do propio concello de Mazaricos como de outros. Os participantes deben enviar a súa foto ao número 608 936 448 a través do Whatsapp. Poden facelo ata o 20 de novembro, incluído. Os autores das fotografías premiadas recibirán vales de compra para canxear nos establecementos de Mazaricos, por valor de 150€, 100€ e 50€. Os premios entregaranse o sábado 28 de novembro, no polideportivo da Picota, no marco das actividades da Semana Gandeira. Outra das actividades máis destacadas desta Semana Gandeira organizada polo concello de Mazaricos é unha xornada técnica sobre o sector lácteo, que se desenvolverá o 28 de novembro na casa da Cultura da Picota. Durante a xornadas haberá diferentes conferencias na que se abordarán distintos aspectos relacionados co sector. Programa: 

• 10:00 Produtos específicos para gandeiros. Jesús Combarro, director de Bancoagro (ABANCA).
• 10:30 É rendible producir leite e Galicia?. Juan Freire Quintáns, asesor da Cooperativa Agraria Provincial.
• 11:15 Propiedades do leite na saúde humana. Mitos e realidades dende o punto de vista científico. Carlos Spuch Calvar, investigador do IBI.
• 12:15 Alimentación, manexo e eficiencia alimentaria. Adrián González Garrido, veterinario-nutricionista .
• 13:00 Mesa Redonda: Retos, oportunidades e realidades do sector lácteo.

- Ismael Herruzo. Gandeiro de Córdoba, membro da cooperativa Valle de los Pedroches. - Jerome Baron. Técnico de Chambre de Agriculture de París. - Ángel Miranda González. Director da área de alimentación da cooperativa Os Irmandiños. Moderador: Marcos Fernández. Veterinario

• 14:15 Clausura: alcalde de Mazaricos e a Conselleria do Medio Rural (Ángeles Vázquez)

Novas relacionadas

• Mazaricos prepara a súa semana máis gandeira
• Isto si que é muiñada!
• O concello de Mazaricos tramita as axudas á liquidez de 56 explotacións gandeiras
• #AVaquiñapoloquevale: Mazaricos lidera as mobilizacións por un prezo mínimo do leite
• Máis de 5.000 tractores invadirán Santiago durante tres días.
• Os gandeiros saen a rúa en Santa Comba
• A Xunta critica as mobilizacións anunciadas polo sector lácteo
• “A asociación de gandeiros de Mazaricos nace pola necesidade de unión que ten este sector”
• Mazaricos crea a súa Asociación de Gandeiros
• 9 alcaldes da zona reúnense en Santa Comba para amosar o seu apoio unánime ó sector lácteo.
• Juan José Blanco: “O 90% de Mazaricos depende do sector gandeiro”.
• Ucha Velo: “Hai que ter claro que os veciños son sempre os teus xefes”.
• 06-07-15: 15.000 litros de leite ao chan contra o secuestro das industrias lácteas.
• 17-06-15: Os novos alcaldes de Mazaricos e Santa Comba moven ficha polo sector gandeiro.
• 28-04-15: 11 alcaldes da Costa da Morte asinan manifesto de apoio aos produtores de leite.
• Os gandeiros piden sancionar a quen venda leite por debaixo do prezo de mercado.

Fonte

• Redacción QPC (info@quepasanacosta.gal)
• Concello de Mazaricos